गोव्यात ई- वाहनांच्या संख्येत मोठी वाढ

3542 वाहनांची नोंद : पेट्रोल, डिझेल दरवाढीमुळे पर्यायी इंधनाकडे कल
गोव्यात ई- वाहनांच्या संख्येत मोठी वाढ
E- Vehicles in GoaDainik Gomantak

पणजी : पेट्रोल आणि डिझेलचा वाढता दर आणि सरकारकडून दिले जाणारे अनुदान आदी कारणांमुळे राज्यात इलेक्ट्रिक वाहनांची संख्या वाढू लागली आहे. ई-वाहनांमध्ये प्रामुख्याने दुचाकींची खरेदी जास्‍त केली जात आहे.

आतापर्यंत 3542 इलेक्ट्रिक वाहनांची नोंदणी झाली असल्याची माहिती केंद्र सरकारच्या वाहन संकेत स्थळावरून मिळाली आहे.

प्राप्त माहितीनुसार राज्यातील जास्त इलेक्ट्रिक वाहने ही खासगी आहेत. त्यात व्यावसायिक इलेक्ट्रिक वाहनांची संख्या 100 हून कमी असून यात 51 कदंब महामंडळाच्या बसेस आहेत.

या वर्षी जानेवारीपासून एकूण 2071 इलेक्ट्रिक वाहनांची नोंदणी राज्यात झाली आहे. 2021 च्या तुलनेत ही दुप्पट असून गेल्या वर्षी एकूण 1094 इलेक्ट्रिक वाहनांची नोंदणी झाली होती. 2021 मध्ये नोंदणी झालेल्या एकूण 51 हजार वाहनांमध्ये 2.1 टक्के इलेक्ट्रिक वाहने होती. तर, 2022 मध्ये आतापर्यंत 28,239 वाहनांची नोंदणी झाली आहे, त्यात इलेक्ट्रिक 7 टक्के आहेत. 2020 मध्ये एकूण 42 हजार 427 वाहने नोंद झाली. परंतु, त्यापैकी फक्त 80 म्हणजे 0.1 टक्के ई वाहने नोंद झाली होती.

E- Vehicles in Goa
कुडचडे नगराध्यक्षपदी जास्मिन ब्रागांझा यांची बिनविरोध निवड

राज्यात 100 लोकांमागे 625 वाहने !

राज्यात प्रत्येक 100 लोकांमागे 625 वाहने नोंद आहेत. वाहन घनतेच्या बाबतीत गोवा जगात 15 व्या क्रमांकावर आहे.तर, ई वाहनांसाठी योजना नोव्हेंबर 2021 मध्ये अधिसूचित केली आहे. सरकार दरवर्षी तीन हजार दुचाकी, 50 तीन चाकी आणि 300 चारचाकी वाहनांसाठी अनुदान देत आहे. राज्यात नोंद झालेल्या वाहनांची एकूण संख्या 11 लाख 45 हजार 041 आहे. मे 2022 पर्यंत केवळ 486 इलेक्ट्रिक कारची नोंदणी झाली. होती. तर, 2285 दुचाकींची नोंदणी झाली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com