Panaji : ग्राहकाला एकाच ठिकाणी अनेक वस्तू योग्य दरात मिळण्यासाठी डॉन बॉस्को हायस्कूल, पणजी येथे बुधवार, २९ मार्च ते रविवार, २ एप्रिल या कालावधीत खरेदी यात्रा प्रदर्शन आयोजित करण्यात आले आहे. या प्रदर्शनाचे उद्‌घाटन ईडीसी गोवाचे अध्यक्ष सदानंद शेट तानावडे यांच्या शुभहस्ते झाले.
यावेळी ब्रदर जेम्स, डॉन बॉस्को ओरॅटरी, उज्ज्वला तारकर व विविध कंपन्यांचे प्रतिनिधी उपस्थित होते. संयोजिका गार्गी भंडारे यांनी सर्व मान्यवरांचे स्वागत केले. यावेळी तानावडेंनी पणजी येथे खरेदी यात्रा प्रदर्शनाचे आयोजन केल्याबद्दल संयोजकांचे कौतुक केले व सर्व स्टॉल्सधारकांना शुभेच्छा दिल्या.
टिटिके प्रेस्टिज लि., सपट इंटरनॅशनल चहा, सनप्युअर ऑईल, युरेका फोर्बेज लि., गोविंद मिल्क ॲंड मिल्क प्रोडक्ट, एस.एन. इंटेरियर, पितांबरी प्रोडक्ट, एस.आर.एल. डायग्नोस्टीक, रेनबो इलेक्ट्रॉनिक्स, मायक्रोटेक, सिंगर इं.लि., वैद्य पाटणकर काढा, इडनवेअर, एस.एस. ट्रेडर्स, ग्लोबल एम्पोरियम, बखारिया फर्निचर, मोबिलिया क्लासिका, स्मिथ फर्निचर, फॅब्रिकस्पा, मारुती फर्निचर, ॐ कार एन्टरप्रायझेस, इमरान कारपेट आदी कंपन्या सहभागी झाल्या आहेत.
ग्राहकांनी लुटावा खरेदीचा आनंद
खरेदी यात्रा हे प्रदर्शन रविवार, २ एप्रिल रोजी सकाळी ११ ते रात्री ८.३० वा.पर्यंत सर्वांना विनामूल्य खुले आहे. तरी जास्तीत जास्त पणजीकरांनी या प्रदर्शनाला भेट देऊन खरेदीचा आनंद लुटावा, असे आवाहन संयोजिका गार्गी भंडारे यांनी केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
