गोव्यात कोविडने 8 मुलांचे पालक हिरावले

या सर्व मुलांना त्यांच्या नातलगांनीच आधार दिला आहे.
COVID-19
COVID-19Dainik Gomantak

पणजी: कोरोनाकाळात गोव्यातील अनेक लोकांनी आपले मित्र आणि कुटुंबातील सदस्य गमावले. कोरोनाच्या पहिल्या लाटेत संसर्गाचे प्रमाण अधिक होते. मात्र, मृत्यू दर कमी होता. पण दुसऱ्या लाटेत हे चित्र बदलले. यात राज्यातील अनेकांचे बळी गेले. कोविडच्या (COVID-19) तिसऱ्या लाटेत राज्यातील 3 मुलांनी आपले पालक गमावले आहेत. दुसऱ्या लाटेत 5 मुले अनाथ झाली होती. या 8 मुलांमध्ये एका 16 वर्षीय मुलाचा समावेश आहे. इतर 7 मुलांचे वय 16 पेक्षा कमी असल्याची माहिती समोर आली आहे. (Coronavirus Goa)

COVID-19
गोव्यात कॉंग्रेसची सत्ता आल्यास महिलांच्या रक्षणासाठी प्रथम प्राधान्य: प्रियंका गांधी

कोरोनाकाळात अनाथ झालेल्या मुलांचे संगोपन, शिक्षण (Education) यांबाबत सरकारी पातळीवरून प्रयत्न करण्यात येत आहेत. या सर्व मुलांना त्यांच्या नातलगांनीच आधार दिला असून त्यांच्या मोफत शिक्षणाची जबाबदारी राज्य सरकारने स्वीकारली आहे. या मुलांना दोन लाखांचे आर्थिक सहाय्य मिळवून देण्याची प्रक्रिया महिला आणि बाल कल्याण खात्यामार्फत सुरू आहे.

COVID-19
चर्चिल आलेमाव यांना निवडणूक लढवण्यास अपात्र ठरवा; 'आप'ची मागणी

आई वडिलांचे छत्र हरवलेल्या मुलांच्या मदतीसाठी राज्यातील अनेक स्वयंसेवी संस्था (NGO) पुढे आल्या आहेत. दरम्यान, सर्वोच्च न्यायालयाच्या आदेशानुसार केंद्रीय महिला आणि बाल कल्याण खाते प्रत्येक महिन्याला प्रत्येक राज्यातील अनाथ मुलांचा आढावा घेत आहे. काही दिवसांपूर्वी केंद्रीय मंत्रालयाने गोव्यातील महिला आणि बाल कल्याण खात्याकडून गोव्यातील आठ मुलांची माहिती घेतली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com