रिव्होल्युशनरी गोवन्स पक्षाला निवडणूक आयोगान दिली मान्यता

गोव्यात आगामी काळात विधानसभा निवडणुकांचं बिगूल वाजू लागले आहे. यातच राज्यातील सर्वच राजकीय पक्षांनी विधानसभा निवडणुकीची तयारी सुरु केली आहे. राज्यात पुन्हा भाजपची सत्ता आणण्यासाठी राज्यातील नेतृत्व निकराने प्रयत्न करत आहे. तर दुसरीकडे भाजपचा (BJP) पराभव करण्यासाठी तृणमुलसह इतर राजकीय पक्षांनी मोट बांधली आहे. या पाश्वभूमीवर गोवा निवडणूक आयोगाने (Election Commission) गोवा रिव्होल्युशनरी गोवन पक्षाला रजिस्टर करुन अधिकृत असे पक्षाचे फुटबॉल (Football) हे चिन्ह दिले आहे.

गोव्याच्या निवडणूक रिंगणात औपचारिकपणे उडी मारली आहे. आरजीचे संस्थापक मनोज परब यांनी राज्याच्या राजधानीतील आझाद मैदानावर झालेल्या एका कार्यक्रमात ही घोषणा केली होती. पक्ष प्रत्येक मतदारसंघात उमेदवार उभे करणार असल्याचे सांगितले.

RG ने सात महिन्यांपूर्वी पक्ष म्हणून नोंदणीसाठी अर्ज केला होता. परंतु, अद्याप त्यांना मान्यता मिळालेली नव्हती. परब यांनी आम आदमी पार्टीचे राष्ट्रीय संयोजक अरविंद केजरीवाल आणि सध्या तृणमूल काँग्रेससाठी (Trinamool Congress) लॉबिंग करणारे राजकीय रणनीतीकार प्रशांत किशोर यांची भेट घेतल्याचे जाहीर केले. “गोवावासीय लाचार नाहीत, आम्ही क्रांतिकारी आहोत, असे म्हणण्याची वेळ आली आहे. आम्ही आमचा गोवा (goa) वाचवू. परराज्यांतील लोकांच्या गुलामगिरीतून बाहेर पडण्याची वेळ गोवावासीयांवर आली आहे. आज दलाल आहेत जे एका पक्षातून दुसऱ्या पक्षाकडे धाव घेत आहेत. त्यांच्याकडे तत्त्वे नाहीत, त्यांच्याकडे विचारधारा नाही,” परब म्हणाले.