चोडण बेटावर दिवसाआड पाणीपुरवठा; लोकांचे हाल
Electricity and water issue in Chorao islandDainik Gomantak

चोडण बेटावर दिवसाआड पाणीपुरवठा; लोकांचे हाल

पाणी साठवून ठेवण्यासाठी पंचायतीने पुढाकार घेण्याची मागणी

पणजी : गेल्या काही वर्षांपासून चोडण बेटावरील पाण्याची समस्या गंभीर होत चालली आहे. पाणी साठवून ठेवण्यासाठी पंचायतीकडे 300 चौमी जमिनीची पूर्तता अजूनही न झाल्याने चोडण गावात दिवसाआड पाणीपुरवठा केला जातो व तोसुद्धा अपुरा होत असल्याची तक्रार ग्रामस्थांनी केली आहे.

Electricity and water issue in Chorao island
काणकोणात मुख्यमंत्री प्रमोद सावंतांना देण्यात आली भवानी तलवार!

यामुळे लोकांना खूप त्रास सहन करावा लागत आहे. पाण्‍याबरोबरच चोडणवासीयांना विजेची समस्‍याही सतावत आहे. वीज नसेल तर पाणीपुरवठ्यावर परिणाम होतो. पाणी खेचण्यासाठी बसविण्यात आलेले पंप फारच जुने झाल्याने त्‍यात आणखी भर पडत आहे, असे खात्याचे कनिष्ठ अभियंता अभिजीत नाईक यांनी सांगितले. काही दिवसांपूर्वी विजेच्या गडगडाटामुळे काराभाट येथील पॅपसेट जळाला. हा पॅपसेट जुना असल्याने दुरुस्तही होत नाही. शेवटी डिचोली तालुक्यातील खात्याकडे असलेल्या टँकरद्वारे पाणीपुरवठा करावा लागला.

Electricity and water issue in Chorao island
कच्च्या तेलाच्या किंमतीत घसरण; गोव्यात पेट्रोल आणि डिझेलचे नवे दर जाहीर

सध्या चोडण बेटावर 6 जुने पंपसेट आहेत. नवीन पंपसेट बसविण्याची मान्यता आपण खात्याकडून घेतली आहे. यासाठी 8 लाख रूपये खर्च येणार आहे. त्‍यानंतर या सेवेत मोठी सुधारणा होऊ शकते, असे नाईक म्‍हणाले. तर, पाणी साठवून ठेवण्यासाठी पंचायतीने पुढाकार घेतल्‍यास पाण्याची समस्‍या मार्गी लागू शकते, असे एक ग्रामस्‍थ पुरुषोत्तम यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.