केरी येथे आज (रविवारी) झाडावरून पडल्याने वीज कर्मचारी उमेश गावडे यांचा मृत्यू झाला आहे. गावडे हे माडाचे झाड कापण्याच्या निमित्ताने झाडावर चढले असता तेथून खाली पडल्याने त्यांचा मृत्यू झाला आहे.
(Electricity Department worker at Keri died due to falling from Tree )
मिळालेल्या माहितीनुसार केरी येथील उमेश गावडे वय 43 हे माडावर चढत नारळ काढण्याचा, झाडे तोडण्याचा व्यवसाय करतात. या पार्श्वभूमीवर आज ते केरी येथे माड तोडण्यासाठी सुमारे 15 मीटर उंचीवर चढले होते. या दरम्यान त्यांचा तोल गेल्याने ते थेट शेजारच्या तलावात पडले. दुर्दैवाने तलावात पाणी कमी असल्याने ते अधिक जखमी झाले. यानंतर त्यांना तातडीने फोंडा येथील उपजिल्हा रुग्णालयात दाखल करण्यात आले. मात्र उपचारादरम्यान त्यांचा मृत्यू झाला.
याबाबत माहिती देताना फोंडा पोलिसांनी सांगितले की, आज सकाळी 11.30 वाजण्याच्या सुमारास गावडे हे केरी येथील झाडावर चढण्यासाठी गेले असता ही घटना घडली. झाड कापताना त्याचे नियंत्रण सुटले आणि ते थेट तलावात पडले, त्यात फारसे पाणी साठले नसल्याने गावडे हे अधिक जखमी झाले. यानंतर त्यांना फोंडा येथील उपजिल्हा रुग्णालयात दाखल करण्यात आले. मात्र उपचारादरम्यान त्यांचा मृत्यू झाला आहे. गावडे यांच्या पश्च्यात त्यांची पत्नी आणि 7 वर्षांचा मुलगा आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
