Konkan Railway : कोकण रेल्वेचे प्रदूषणमुक्त प्रवासाचे पर्व

विजेवर धावणार रोज 50 गाड्या : इंधनावरील खर्च होणार 100 कोटींनी कमी
Konkan Railway
Konkan Railway Dainik Gomantak

Konkan Railways : कोकण रेल्वे मार्गावरून प्रवास करणाऱ्या प्रवाशांसाठी खूशखबर आहे. यापुढे या मार्गावरील प्रवासी गाड्याही विजेवर धावणार आहेत. या मार्गावर विजेवरील प्रवासी रेल्वे सुरू झाल्यानंतर कोकण रेल्वेचे प्रदूषणमुक्त प्रवासाचे पर्व सुरू होणार आहे. यामुळे डिझेलवरील खर्चात प्रचंड बचत होईल. तसेच धुरामुळे होणारे प्रदूषणही टाळता येणार आहे.

या मार्गावरून दररोज किमान 50 ते 60 प्रवासी गाड्या धावतील, अशी माहिती कोकण रेल्वेचे जनसंपर्क अधिकारी बबन घाटगे यांनी दिली. कोकण रेल्वेच्या या मार्गाचे पूर्णतः विद्युतीकरण झालेले असले तरी सध्या या मार्गावर विजेवरील फक्त मालगाड्याच धावतात. बाळ्ळी येथे कोकण रेल्वेचे सबस्टेशन उभे राहात आहे. या स्टेशनचे काम दोन महिन्यांत होणार आहे.

Konkan Railway
CM Pramod Sawant : गोवा सरकार एक पाऊल मागे

दोन महिन्यांत प्रत्यक्ष सुरवात : गेल्या सात वर्षांपासून कोकण रेल्वे मार्गावरील विद्युतीकरणाचे काम सुरू होते. चारच महिन्यांपूर्वी ते पूर्णत्वास आले. पण बाळ्ळी येथील सबस्टेशनचे काम अजूनपर्यंत पूर्ण झालेले नाही. ते दोन महिन्यांत पूर्ण होईल. तसेच अन्य काही तांत्रिक अडचणी असून त्यांची पूर्तता करण्यात येत असल्याचे जनसंपर्क अधिकारी बबन घाटगे यांनी सांगितले.

सध्या कोकण रेल्वेकडे विजेवर चालणारी इंजिन पुरेशा प्रमाणात नाहीत. ती मिळविण्यासाठी इतर रेल्वे विभागांशी समन्वय सुरू आहे. बाळ्ळीसह कोकण रेल्वे मार्गावर अन्य ठिकाणीही काही नवीन सबस्टेशन्स बांधण्यात येणार आहेत. ती बांधून झाल्यावर या मार्गावरील 100 टक्के रेल्वे विजेवर धावतील. रेल्वे विजेवर धावू लागल्यावर कोकण रेल्वेचा इंधनावरील खर्च किमान 100 कोटींनी (दरवर्षी) कमी होणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com