Goa Environment: वाढीव कोळसा हाताळणीस पर्यावरणीय मान्यता

कोळसा हाताळणी 7.5 दशलक्ष टन क्षमतेवरून 13 दशलक्ष टन करण्याच्या प्रस्तावाला वन व पर्यावरण मंत्रालयाने पर्यावरणीय मान्यता दिली आहे.
Coal | Goa News
Coal | Goa News Dainik Gomantak

Goa Environment: मुरगाव बंदरातील बर्थ क्रमांक 5 ए व 6 ए वर होणारी कोळसा हाताळणी 7.5 दशलक्ष टन क्षमतेवरून 13 दशलक्ष टन करण्याच्या प्रस्तावाला वन व पर्यावरण मंत्रालयाने पर्यावरणीय मान्यता दिली आहे. त्यामुळे या बंदरातील कोळसा हाताळणी दुप्पट होणार आहे.

मात्र, पर्यावरण कार्यकर्त्यांनी या मान्यतेला विरोध दर्शविला असून राष्ट्रीय हरित लवादाकडे दाद मागण्याचे ठरविले आहे. या निर्णयाच्या विरोधात लोक रस्त्यावर येतील, असा इशाराही पर्यावरण कार्यकर्त्यांनी दिला आहे.

Coal | Goa News
Mahadayi Wildlife Sanctuary: व्याघ्र प्रकल्प क्षेत्र लवकर जाहीर करा

केंद्रीय वन, पर्यावरण आणि हवामान बदल मंत्रालयाने 11 जानेवारी रोजी साऊथ वेस्ट पोर्ट लिमिटेडला मुरगाव बंदरातील बर्थ 5 ए आणि 6 ए येथे प्रस्तावित टर्मिनलवर कोळसा हाताळणी क्षमता वाढीसाठी मंजुरी दिली आहे.

15 जुलै 2017 रोजी कोळसा आणि कोळसा उत्पादने हाताळण्यासाठी मुरगाव बंदराच्या बर्थ 5-ए आणि 6-ए येथे टर्मिनल क्षमता वाढीचा प्रस्ताव पाठविला होता. कोळशासह लोहखनिज आणि चुनखडीचा यात समावेश आहे.

मुरगाव पोर्ट ट्रस्ट, मुरगाव येथे तज्ज्ञ मूल्यमापन समितीने ऑगस्ट 2017 आणि नोव्हेंबर 2018 या कालावधीत वेगवेगळ्या बैठकांमध्ये चर्चा करून या प्रस्तावाला मान्यता दिली होती. या पर्यावरण मान्यतेला आव्हान द्यायचे असल्यास राष्ट्रीय हरित लवादाकडे 30 दिवसांच्या कालावधीत अपील करणे आवश्यक आहे.

Coal | Goa News
Mahadayi Wildlife Sanctuary: व्याघ्र प्रकल्प क्षेत्र लवकर जाहीर करा

सध्या या बर्थवर 5.50 दशलक्ष टन कोळसा हाताळला जातो. नव्या मंजुरीनुसार हाताळला जाणारा एकूण माल 12 ते 13 दशलक्ष टन होईल. यात कोळशासह लोखंड, चुनखडी, डोलोमाईट, बॉक्साईट, खनिज धातू आणि इतर विविध मालांचा समावेश असेल.

2017 सालीच केंद्राच्या हालचालींची अंदाज

2017 साली या प्रस्तावासंदर्भात जी जनसुनावणी झाली, ती 10 दिवस चालली होती. त्यावेळी आम्ही विविध मुद्द्यांवर या प्रस्तावाला विरोध केला होता. विरोध असूनही केंद्रीय पर्यावरण मंत्रालय याला मान्यता देणार याची जाणीव आम्हाला होती. त्यामुळे तेव्हापासूनच हे प्रकरण न्यायालयात नेण्याची तयारी आम्ही केली होती, असे फर्नांडिस यांनी सांगितले.

हरित लवादाकडे दाद मागणार

आम्ही या मान्यतेला हरित लवादाकडे आव्हान देणार असून या मान्यतेचा आम्ही अभ्यास करत आहोत, असे ‘गोयांत कोळसो नाका’ संघटनेचे निमंत्रक अभिजीत प्रभुदेसाई यांनी सांगितले. यासंदर्भात पर्यावरण चळवळीतील कार्यकर्त्यांची बैठक झाली आहे.

न्यायालयीन लढ्यासह आम्ही जनआंदोलनही पुकारू. यासाठी आमची संपूर्ण टीम कामाला लागली आहे, अशी माहिती कोळसा वाहतूकविरोधी आंदोलनाचे नेते कॅ. विरियेतो फर्नांडिस यांनी दिली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com