Goa Railway: गोव्यात रेल्वे मार्ग दुपदरीकरण प्रस्तावाला पर्यावरणप्रेमींचा कडाडून विरोध कारण...

गोव्यात कोळशाची वाहतूक वाढून पर्यावरणाचा ऱ्हास होणार, या भीतीने गोव्यात होऊ घातलेल्या रेल्वे मार्ग दुपदरीकरण प्रस्तावाला पर्यावरणप्रेमी विरोध करत आहेत.
Goa News |Railway Route
Goa News |Railway Route Dainik Gomantak

Goa Railway: गोव्यात कोळशाची वाहतूक वाढून पर्यावरणाचा ऱ्हास होणार, या भीतीने गोव्यात होऊ घातलेल्या रेल्वे मार्ग दुपदरीकरण प्रस्तावाला पर्यावरणप्रेमी विरोध करत आहेत. दुसऱ्या बाजूने काले ते सावर्डे दरम्यानच्या सुमारे 1.9 हेक्टर जमिनीत पूर्वी रेल्वे दुपदरीकरणावर घातलेली बंदी उठविण्याची शिफारस केंद्रीय पर्यावरण मंत्रालयाची प्रादेशिक अधिकारप्राप्त समितीकरू पाहात आहे.

त्यामुळे गोव्यातील पर्यावरण चळवळीतील कार्यकर्त्यांची घालमेल वाढली आहे. काले-सावर्डे मार्गावरील रेल्वेच्या दुहेरी मार्गासाठी या भागावरील स्थगिती रद्द करण्याची शिफारस करण्याचा निर्णय घेतला आहे.

पर्यावरण कार्यकर्त्यांचा तीव्र विरोध

यासंदर्भात पर्यावरण कार्यकर्ते अभिजीत प्रभुदेसाई म्हणाले की, हा रेल्वे मार्ग रुंदीकरणाचा प्रस्ताव तीन टप्प्यांत म्हणजे सावर्डे ते काले, काले ते कुळे आणि कुळे ते करंझोळ असा करण्याचा मूळ प्रस्ताव होता.

यातील फक्त सावर्डे ते कालेदरम्यानचा भाग जैवसंवेदनशील भागात येत नाही. अन्य दोन टप्पे संरक्षित वन क्षेत्रातून जात आहेत. त्यामुळे शेवटाच्या दोन टप्प्यांना पर्यावरणीय परवानगी मिळणे केवळ अशक्य आहे.

Goa News |Railway Route
Bus Accident: कमानपाटा तुटून बस उलटली शेतात

म्हादईचे खरे दुश्मन गोवा सरकारच

म्हादईचे आंदोलन पेटलेले असताना सावर्डे ते कालेदरम्यानच्या कामासाठी पूर्वी घातलेली बंदी उठवावी, अशी मागणी गोवा सरकार करते, हे अनाकलनीय आहे. म्हादईचे पाणी कर्नाटकात येणाऱ्या पोलाद कारखान्यांसाठी वळविले जात आहे.

त्याच कारखान्यांना कोळसा पुरविण्यासाठी रेल्वेचा विस्तार केला जात असून या प्रस्तावाला गोवा सरकारच मान्यता मागते. त्यामुळे म्हादईचे खरे दुश्मन गोवा सरकारच आहे, असे दुर्दैवाने म्हणावे लागते, असेही प्रभुदेसाई म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com