राज्यात भव्य फुड कोर्टची उभारणी

गोवा बाजार संकुलाची मुख्यमंत्र्यांच्या हस्‍ते पायाभरणी : रोजगाराचे आणखी एक दालन खुले
Establishment of grand food court by cm Pramod Sawant in goa state
Establishment of grand food court by cm Pramod Sawant in goa stateDainik Gomantak

पणजी: ग्रामीण विकास विभागाद्वारे बहुप्रतिक्षित गोवा बाजार संकुलाची पायाभरणी काल मुख्यमंत्री डॉ. प्रमोद सावंत (CM Pramod Sawant) यांच्या हस्ते करण्यात आली.

यावेळी सावंत म्हणाले की, गोव्यातील महिला, खासकरून स्वयंसाहाय्य गटाच्या सदस्यांना गोवा बाजार संकुल कधी होणार याची प्रतीक्षा लागून राहिली होती. आज या प्रकल्पाची पायाभरणी होत असून ग्रामीण विकास खात्याने या संकुलाच्या बांधकामासाठी 17 कोटी रुपये मंजूर केले आहे. या प्रकल्पासाठी सुमारे अठ्ठेचाळीस कोटी रुपये लागणार असून 17 हजार 400 चौरस मीटर जागा या प्रकल्पासाठी लागणार आहे. या प्रकल्पात ग्रामीण विकास खात्याचे कार्यालय, बाजार संकुल व फुड कोर्ट उभारण्यात येणार आहे. (Establishment of grand food court by cm Pramod Sawant in goa state)

Establishment of grand food court by cm Pramod Sawant in goa state
गोव्याच्या शिक्षण कर्मचार्‍यांची विनंती हायकोर्टाने फेटाळली

महिलांना खाद्यपदार्थांसह त्‍यांच्या सर्व वस्तू या संकुलात विकता येतील. हे संकुल म्हणजे स्वयंपूर्ण गोव्याच्या (Goa) दिशेने उचललेले महत्त्वाचे पाऊल आहे. येणाऱ्या एक ते दीड वर्षात या संकुलाचे काम पूर्ण होईल. त्यामुळे गोवा बाजार संकुल परिसरातील नागरिकांना रोजगार प्राप्त होईल. ग्रामीण विकास खाते उत्कृष्टरित्या काम करत आहे. ग्रामीण महिलांना रोजगार कसा मिळेल, त्यांना कशा रितीने प्रोत्साहन देता येईल, यासाठी सतत झटत आहे. या संकुलात वस्तू विकण्यासाठी महिलांना भाडे द्यावे लागणार नाही. येथे वस्तू विकण्यासाठी स्वयंसाहाय्य गटांना राष्ट्रीय ग्रामीण उपजीविका अभियानाशी संलग्न व्हावे लागेल, असे मुख्यमंत्र्यांनी (CM Pramod Sawant) सांगितले. या कार्यक्रमाला अनिल होबळे, गिरीश उस्कैकर, सरपंच गीता कवळेकर, शासकीय खात्यांचे अधिकारी व इतर मान्यवर उपस्थित होते.

...तर आणखी विकास झाला असता : फर्नांडिस

यावेळी सांताक्रुझ मतदारसंघाचे आमदार टोनी ऊर्फ ॲंटोनियो फर्नांडिस म्हणाले की, या गोवा बाजार संकुल प्रकल्पामुळे महिलांना एकाच ठिकाणी आपल्या वस्तू विकता येतील. माझ्या मतदारसंघात 82 कोटींची विकासकामे झाली. मी पूर्वीच भाजपमध्ये (BJP) आलो असतो तर आणखी विकास झाला असता. गोवा बाझार संकुल जेथे होत आहे, तेथे पावसाळ्यात पाणी साचते. त्यावर संबंधित अधिकाऱ्यांनी योग्य तो उपाय योजावा, असे त्यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com