सांताक्रुझमध्ये भूमिगत वीज वाहिन्यांसाठी रस्ते खोदण्यात आले व वाहिनीचे कामही पूर्ण होऊन सहा महिने उलटत आले तरी या रस्त्यांच्या डांबरीकरणाकडे दुर्लक्ष केले गेले आहे. त्यामुळे या परिसरात धुळीचे प्रदूषण वाढले आहे. या खोदकामामुळे रस्त्याची रुंदी कमी झाल्याने वाहन चालकांना अधिक समस्यांना सामोरे जावे लागत आहे.
पावसाळ्यापूर्वी त्याचे डांबरीकरण झाले नाही, तर या रस्त्यावर पाणी साचून लोकांना चालणेही मुष्किलीचे होणार आहे. त्यामुळे आमदारांनी लक्ष घालून होणाऱ्या समस्येवर तोडगा काढावा,अशी मागणी होत आहे.
या भागातील रस्त्यावर अनेक ठिकाणी रस्ते खोदण्यात आले होते, त्यावर माती घालण्यात आली आहे. त्यामुळे हे रस्ते अनेक ठिकाणी खचले आहेत. वाहन चालक डांबरीकरणाच्या रस्त्यावरच वाहन चालवताना एकमेकांना साईड देताना मोठी तारांबळ उडत आहे. त्यातून दुचाकीस्वारांना वाट काढताना तारेवरची कसरत करावी लागते.
पावसाळा जवळ आल्याने येथील स्थानिकांकडून चिंता व्यक्त केली जात आहे. या रस्त्याने चालत जाणाऱ्या पादचाऱ्यांना या मातीच्या धुळीमुळे त्रास सहन करावा लागत आहे. स्थानिक आमदार रुदॉल्फ फर्नांडिस यांनी या रस्त्यांच्या डांबरीकरणाबाबत कोणतीच दखल घेतली नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
