Excise Department: अबकारी खात्यातर्फे धाडसत्र सुरूच

Excise Department: गोव्यात होणाऱ्या आगामी निवडणुकीच्या पार्श्वभूमीवर गोवा पोलिस सतर्क झाले आहे. आचारसंहितेचा (Social Code of Conduct) भंग होऊ नये म्हणून गोव्यात ठिकठिकाणी नाकाबंदी करण्यात आली आहे. यादरम्यान कोणतेही गुन्हे घडू नयेत, यासाठी गोवा पोलिस आणि अबकारी खात्यातर्फे (Excise Department) तपासणी सत्रात वाढ झाली आहे. याच पार्श्वभूमीवर गोव्यातून ठिकठिकाणी अवैध मद्यसाठा जप्त करण्यात येत आहे.

कोलवा (Colva)

राज्यात कुठे अवैध दारूसाठा आहे याची खबर पोलिसांना सूत्रांकडून मिळताच ते त्या ठिकाणी धाड घालून गुन्हेगारांना अटक करतात. कोलवा पोलिसांनी कोलवा येथील एका अपार्टमेंटवर छापा टाकला. या छाप्यात पोलिसांनी 11.41 लाख रुपयांचा अवैध दारूसाठा जप्त करण्यात आला आहे. हा साठा त्यांनी उत्पादन शुल्क विभागाकडे सुपूर्द केला असून संबंधित गुन्हेगारांना पोलिसांनी ताब्यात घेतले आहे.

पणजी (Panaji)

पणजी पोलिसांनी पट्टो पणजी येथील वाईन स्टोअरवर छापा टाकला. या छाप्यात पोलिसांनी विविध ब्रँडच्या अवैध दारूच्या बाटल्या आणि टिन्सचा साठा जप्त केला आहे. या सर्व साठयाची किंमत 2.5 लाख इतकी आहे.