नानोडात 12 लाख खर्चून संरक्षक भिंतीच्या कामाची पायाभरणी

आमदार चंद्रकांत शेटये यांच्या हस्ते श्रीफळ वाढवून भूमिपूजन करण्यात आले.
नानोडात 12 लाख खर्चून संरक्षक भिंतीच्या कामाची पायाभरणी
Chandrakant ShetyeDainik Gomantak

साळ: डिचोली मतदारसंघातील नानोडा येथे बारा लाख रुपये खर्चून तीस मीटर लांब व चार मीटर उंच अशा संरक्षक भिंतीच्या बांधकामाचे नुकतेच डिचोलीचे आमदार चंद्रकांत शेटये यांच्या हस्ते श्रीफळ वाढवून भूमिपूजन करण्यात आले. यावेळी त्यांच्यासोबत जिल्हा पंचायत सदस्य प्रदीप रेवोडकर, माजी सरपंच शाम हरमलकर, जलसंपदा खात्याचे साहाय्यक अभियंता नरेश पोकळे, संतोष कलगुंटकर, प्रसाद गाड, अरुण कालेकर, मनोज कारापूरकर, ओंकार किनळेकर आदी उपस्थित होते.

Chandrakant Shetye
'पाण्यासाठी जीवनदायिनीचे ठरेल महत्त्वपूर्ण योगदान'

यावेळी बोलताना शेटये म्हणाले, की आता डिचोली मतदार संघाच्या विकासासाठी सर्वांनी एकत्रित येऊन काम करण्याची गरज आहे. रस्ता, पाणी आणि वीज या मूलभूत गरजा लोकापर्यंत पोचवण्याचा प्रयत्न करणार आहे. अनेक वर्षापासून या भागातील लोकांची मागणी होती की या ठिकाणी संरक्षक भिंत बांधली जावी जेणेकरून पावसाचे पाणी नजीकच्या घरापर्यंत येऊ शकणार नाही, संरक्षक भिंतीमुळे ओहोळाजवळच्या घरांना आता संरक्षण मिळणार आहे. खूप वर्षापासूनची मागणी आता पूर्ण होत असल्याने गावातील लोकांनी समाधान व्यक्त केले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.