कारवारमध्ये बनावट नोटांचे रॅकेट उद्ध्वस्त

कारवारमधील एका संशयितासह मडगावच्या चौघांना अटक, मुख्य सूत्रधार फरार
Fake Currency
Fake CurrencyDainik Gomantak

पणजी : कारवार येथील राष्ट्रीय महामार्गालगत असलेल्या एका हॉटेलसमोर अंकोला आणि कारवार पोलिसांनी गुरुवारी रात्री संयुक्त कारवाई केली. या कारवाईत पोलिसांनी बनावट नोटांचे रॅकेट उद्ध्वस्त करत 13 हजार रुपयांच्या खोट्या नोटा जप्त केल्या आहेत. महत्त्वाची बाब म्हणजे अटक केलेल्या चारपैकी तिघे आरोपी मडगाव गोव्याचे रहिवासी असल्याचं आता समोर आलं आहे. (Fake Currency Racket Busted in Karwar)

Fake Currency
डिझेल न भरता बस नेणं कदंबचालकाला पडलं महागात

यावेळी कारवार येथील एका संशयितासह मडगाव -गोवा येथील रहिवासी असलेल्या तीन संशयितांना अटक करण्यात आली आहे आहे. मात्र यातील मुख्य आरोपी मुस्ताक हसन बेग हा फरार झाला आहे. अटक केलेल्या चौघांची पोलीस कसून चौकशी करत असून या रॅकेटमध्ये आणखी किती लोकांचा सहभाग आहे, याचा तपास पोलीस करत आहेत.

Fake Currency
सावर्डे परिसरात महिलेचा संशयास्पद मृत्यू

या प्रकरणी कोडीबाग कारवार येथील प्रवीण नायर (वय.46- हॉटेल कामगार), फातोर्डा- मडगाव येथील लार्सन सिल्वा (26), मडगाव येथील प्रनोय फर्नांडिस, लोयड्स लॉरेन्स स्टेविस यांना पोलिसांनी अटक केली आहे. त्यांच्याकडून 500 रुपयांच्या 26 बनावट नोटा तसेच 40 चलनी नोटांसह एक दुचाकी आणि चारचाकी जप्त केली आहे. या प्रकरणातील मुख्य सुत्रधार मुस्ताक हसन बेग हा फरार असून त्याचा पोलीस कसून शोध घेत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com