Goa Rain Update : आज सकाळपासून पावसामुळे मोठं मोठी झाडे उन्मळून पडल्यामुळे पेडणे अग्निशामक दलाच्या जवानांची बरीच धावपळ झाली. एका बाजूने मोठा पाऊस व त्यात विजेची अत्याधुनिक सामुग्री व जीवाची भीतीचा याचा कसलाही दबाव न बाळगता जवानांनी मोठी कामगिरी केली. (Falling of trees due to rains in goa)
सकाळी सहाच्या सुमारास भूतवाडी येथे रस्त्यावर झाड पडल्याने खोळंबा झाला, नंतर व्हायडोंगर रस्त्याचा मधोमध आंब्याचे झाड पडल्याने अग्निशामक दलाला बरीच कसरत करावी लागली.
नंतर खालचावाडा विर्नोडा येथे रुक्मिणी हरीजन यांच्या घरावर मोठे झाड पडल्याने जवानांनी घराला मोठे नुकसान होणार नाही याची खबरदारी घेतली, आणि घरावरचे झाड सावधगिरीने कापून बाजूला केले. पावसामुळे परिसरात खूप मोठ्या प्रमाणात झाडांची पडझड झाली.
ही कामगिरी जवान अमोल परब ,रतन परब आणि विकास चौहान यांनी अग्निशामक दलाचे सहायक अधिकारी प्रशांत धारगळकर व हवालदार फटू नाईक यांच्या मार्गदर्शनाखाली पार पाडली. जवानांनी घराची तीन लाखाहून अधिक मालमत्ता वाचवली. याबाबत लोकांनी त्यांचे कौतुकही केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
