शेतजमिनीचे बिगरशेतीत रुपांतर करणाऱ्यांची गय नाहीच : विश्वजीत राणे

हडफडेतील प्रकार उघड : गोवा फाऊंडेशनने केली होती तक्रार
Vishwajit Rane
Vishwajit Rane Dainik Gomantak

पणजी : शेतजमिनीचे व्यावसायीकरण करण्यासाठी हडफडे येथे शेतीचे मोठ्या प्रमाणावर बिगरशेतीत रुपांतर करण्‍यात येत असल्‍याची तक्रार गोवा फाऊंडेशनतर्फे करण्‍यात आल्‍याची माहिती नगरनियोजन खात्याचे मंत्री विश्‍वजीत राणे यांनी दिली. शेतीचे बिगरशेतीत रुपांतर करण्‍याचा प्रकार चुकीचा आणि गुन्हेगारी वृत्तीचा आहे. या प्रकरणांतील दोषींवर कडक कारवाई करण्‍यात येईल, असा स्‍पष्‍ट इशाराही त्‍यांनी दिला आहे.

Vishwajit Rane
‘मानकुराद’ ला ‘जीआय’ची प्रतीक्षा; प्रस्ताव प्रलंबित

हडफडे येथे सर्व्हे क्रमांक 40 उपक्रमांक 2 ते 21 मध्ये 13 हजार 975 चौरस स्क्वेअर मीटर शेतजमिनीचे रुपांतर बिगरशेतीत व्‍यावसायीकरणाच्‍या हेतूने करण्‍यात आले आहे. ही जमीन कूळ कायद्याखाली येणारी आहे. अशा जमिनीचे रूपांतर करण्याचा अधिकार नियोजन विकास प्राधिकरणालाही (पीडीए) नाही. शिवाय अशी जमीन रुपांतरीत करणे हा कूळ-मुंडकर कायद्याचा आणि महसूल अधिनियमाच्या नियमाचे उल्लंघन आहे. हा फौजदारी स्वरूपाचा गुन्हा आहे, असे मंत्री राणे म्‍हणाले. अशा प्रकारांविरोधात कडक कारवाईची गरज आहे. सध्या या प्रकरणाची चौकशी सुरू आहे. सदर प्रकरणाच्या खोलवर गेल्यास त्‍यात अनेक जण दोषी आढळून येतील, असा दावाही त्‍यांनी केला.

Vishwajit Rane
फोंड्यातील रस्त्यांना हॉटमिक्सिंगची प्रतीक्षा; रहिवाशी त्रस्त

पर्रा, नागोवा, कांदोळी, कळंगुट यांसारख्या ग्रामीण भागाचा नियोजन विकास प्राधिकरणामध्ये समावेश करणे मला व्यक्तीशः चुकीचे वाटते. त्यामुळे हा सर्व भाग पीडीएमधून वगळावा आणि मूळ स्वरूपात आणावा. यापूर्वीच येथील ओडीपी रद्द केले आहेत आणि संपूर्ण प्रकरणाची चौकशी सुरू आहे, असंही नगरनियोजनमंत्री विश्वजीत राणे यांनी स्पष्ट केलं.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com