Tourist Attacked in Anjuna: दिल्ली पर्यटक हल्ला प्रकरण! पाचवा आरोपी अटक, गाडीवरून निघाला होता ऑफिसला एवढ्यात...

पीडितांनी घटनेचा व्हिडिओ व्हायरल केल्यानंतर पोलिसांनी सहा दिवसांनी कलम 307 नुसार गुन्हा दाखल करून चौघांना अटक केली.
Tourist Attacked in Anjuna
Tourist Attacked in AnjunaDaink Gomantak

Delhi Tourist Attacked in Anjuna: दिल्लीतील पर्यटक कुटुंबीयांवर हणजूण येथील एका रिसॉर्टच्या बाहेर चार स्थानिक युवकांनी सुरीने प्राणघातक हल्ला केला. यात तिघेजण गंभीर जखमी होऊनही हणजूण (Anjuna) पोलिसांनी किरकोळ हल्ल्याप्रकरणी गुन्हा दाखल केला होता.

पीडितांनी घटनेचा व्हिडिओ व्हायरल (Viral Video) केल्यानंतर पोलिसांनी सहा दिवसांनी कलम 307 नुसार गुन्हा दाखल करून चौघांना अटक केली. या प्रकरणातील पाचवा फरार आरोपीला देखील पोलिसांनी अटक केली आहे.

याप्रकरणातील आरोपी सलीम कासिम खान (वय 41, रा, खोर्ली, म्हापसा) याला पोलिसांनी अटक केली आहे. आरोपी दुचाकीवरून त्याच्या ऑफिसला निघाला होता. पोलिस उपअधीक्षक जिवबा दळवी यांनी स्वत: त्याला अटक केले.

यापूर्वी रॉयस्टन रेजिनाल्डो डायस, त्याचा भाऊ नायरॉन रेजिनाल्डो डायस (दोघेही रा. डिमेलो वाडा, हणजुण), जोसेफ अलेक्स लोबा (वय 57) आणि काशिनाथ विश्‍वोर आगरवाडेकर (दोघेही रा. सोरांतो वाडा, हणजुण) अशी अटकेत असलेल्या संशयित आरोपींची नावे आहेत. चौथा संशयित सलीम कासीम फरारी आहे.

Tourist Attacked in Anjuna
Benaulim: बाणावलीत मच्छीमारी बोटींना आग लावण्याप्रकरणी एकास अटक

हणजूण येथे पर्यटक कुटुंबीयावरील प्राणघातक हल्ला आणि पोलिसांचा निष्काळजीपणा यावरून राज्याची देशभरात बदनामी होत असल्याने मुख्यमंत्री डॉ. प्रमोद सावंत (CM Pramod Sawant) यांनी याप्रकरणी आढावा बैठक घेतली.

चुकीचा गुन्हा नोंद केलेल्या हणजूणचे पोलिस उपनिरीक्षक फ्रान्‍सिस्को झेविअर यांच्यावर निलंबनाची कारवाई करण्यात झाली. ‘पर्यटकांसाठी गोवा सुरक्षित असून त्यांच्याशी गैरवर्तन करणाऱ्यांची गय केली जाणार नाही; तसेच पर्यटकांनीही कायदे पाळावेत’, अशी इशारावजा सूचना त्‍यांनी केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com