Sagar Parikrama: सागर परिक्रमेचा पाचवा टप्पा आजपासून; केंद्रीय मंत्र्यांची असणार उपस्थिती

रायगड ते काणकोण १९ मे पर्यंत चालणार अभियान
Minister Purushottam Rupala
Minister Purushottam RupalaDainik Gomantak

Sagar Parikrama: केंद्रीय मत्स्यव्यवसाय , पशुसंवर्धन आणि दुग्धव्यवसाय मंत्रालयाने रायगड ( महाराष्ट्र) ते काणकोण पर्यंत चालणाऱ्या सागर परिक्रमेचा पाचवा टप्पा आजपासून सुरू होत असून तो १९ मे पर्यंत चालणार आहे.

Minister Purushottam Rupala
High Blood Pressure Causes: तज्ज्ञ म्हणतात तणावामुळेच जडतो उच्च रक्तदाबाचा विकार

रायगड ते काणकोण या पट्ट्यातील मच्छिमार आणि इतर मत्स्य व्यावसायिक तसंच संबंधितांच्या समस्या जाणून घेणे, प्रधानमंत्री मत्स्य संपदा  आणि किसान क्रेडिट कार्ड यासारख्या विविध मत्स्यपालन योजना आणि उपक्रमांचा लाभ मिळवून देऊन त्यांची उन्नती साधणे, हे या परिक्रमेच्या पाचव्या टप्प्याचे उद्दिष्ट आहे.  

केंद्रीय मत्स्यव्यवसाय, पशुसंवर्धन आणि दुग्धव्यवसाय मंत्री पुरुषोत्तम रुपाला यांच्यासह विविध मान्यवर,  तसेच विविध सरकारी संस्था, संघटना आणि आस्थापनांचे अधिकारी, परिक्रमेच्या या पाचव्या टप्प्यात सहभागी होणार आहेत.

ही सागर परिक्रमा म्हणजे, भारतीय स्वातंत्र्याला  ७५ वर्षे पूर्ण झाल्यानिमित्त साजऱ्या झालेल्या ‘आझादी का अमृत महोत्सव’मागील भावनेचे स्मरण करत, आपले स्वातंत्र्यसैनिक, खलाशी आणि मच्छीमारांचा सन्मान करणारी, तसेच मच्छीमार,  मत्स्य उत्पादक शेतकरी, मत्स्य व्यावसायिक आणि इतर संबंधितांबद्दल दर्शवल्या जाणाऱ्या एकतेचे प्रतीक आहे. गुजरात, दमण आणि दीव, महाराष्ट्र आणि कर्नाटकमधील १९ ठिकाणे समाविष्ट करून चार टप्पे यशस्वीपणे पूर्ण केलेल्या या अभूतपूर्व उपक्रमाला सर्व लाभार्थींकडून उत्स्फूर्त आणि भरघोस पाठिंबा मिळत आहे.

वास्को,मुरगाव, काणकोणचा समावेश

परिक्रमेच्या या पाचव्या टप्प्यात, महाराष्ट्रातील रायगड, रत्नागिरी आणि सिंधुदुर्ग जिल्हे,  तर गोवा राज्यामधील वास्को, मुरगाव आणि काणकोण अशा एकूण सहा स्थानांचा समावेश असेल.

७२० किमी अंतरांचा समुद्रकिनारा लाभलेल्या महाराष्ट्रात, सागरी मत्स्यपालनाची प्रचंड क्षमता असून, देशाच्या एकूण मत्स्योत्पादनात, महाराष्ट्र  ८२  टक्के योगदान देतो. १०४ किलोमीटरचा समुद्रकिनारा लाभलेल्या गोवा राज्यातील एकूण लोकसंख्येच्या ९० टक्क्यांहून जास्त लोकांचा मासे हा मुख्य आहार आहे. त्यामुळे मासे गोव्यातील लोकजीवन आणि संस्कृतीचा अविभाज्य भाग आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com