Solar Ferry Boat : अखेर सौर ऊर्जेवरील फेरीबोट 4 मे पासून कार्यान्वित

चोडण-पणजी जलमार्गावर सुविधा : खासगी कंपनीकडे दोन महिने चालविण्यासाठी देणार
Goa | Solar Ferry Boat
Goa | Solar Ferry BoatDainik Gomantak

ऑक्टोबर 2022 मध्ये उद्‍घाटन झाल्यानंतर नदी परिवहन खात्याकडे प्रशिक्षित कर्मचारी नसल्याने सौर ऊर्जेवरील फेरीबोटीचा मांडवीतील प्रवास रखडला होता. मात्र, आता तिचा प्रवास सुरू होणार असून, खासगी कंपनीद्वारे दोन महिने ही बोट पणजी ते चोडण मार्गावर 4 मे पासून सुरू होणार आहे.

नदी परिवहन खात्याने गतवर्षी 3.90 कोटी रुपये खर्च करून या फेरीबोटीची बांधणी करून घेतली होती. सुरुवातीला ही बोट दिवाडी येथील ॲक्वारेस शिपयार्ड कंपनीने बांधली. त्यावेळी या कंपनीने नदी परिवहन खात्याला आम्ही ही बोट चालविण्यास मदत करतो, असे सांगितले होते.

Goa | Solar Ferry Boat
Karnataka Election 2023 : मंत्री विश्‍वजीत राणे यांच्या कामगिरीवर पक्षश्रेष्ठी खूष!

परंतु बोट येताच या कंपनीने यातून अंग काढून घेतले. त्यामुळे नदी परिवहन खात्याने खासगी कंपनीकडे ती बोट देण्याचे ठरवले आणि निविदा मागविल्या. निविदा भरणाऱ्यांमध्ये गौरी कन्सल्टंट, विजय मरीन आणि गोवा सोलर प्रायव्हेट लिमिटेड या कंपन्यांचा समावेश होता. गौरी कन्सल्टंटने सर्वांत कमी 1 लाख 40 हजार रुपये आकारण्याची बोली केली होती.

‘नदी परिवहन’च्या कर्मचाऱ्यांना प्रशिक्षण

60 प्रवासी क्षमता असलेल्या या फेरीबोटीद्वारे गौरी कन्सल्टंट कंपनीचे कर्मचारी दोन महिन्यांत नदी परिवहन खात्याचे कर्मचारी प्रशिक्षित करणार आहेत. येत्या 4 मे पासून ही सेवा कार्यान्वित होणार असल्याचे सूत्रांनी सांगितले.

चार फेऱ्या, मोफत सेवा

पणजी ते चोडण या मार्गावर दिवसभरात या फेरीबोटीच्या सकाळी दोन आणि संध्याकाळी दोन अशा चार फेऱ्या होणार आहेत. या फेरीबोटीची सेवा सुरुवातीला मोफत असेल. ही फेरीबोट सकाळी 8 आणि 9 वाजता निघेल. तसेच सायंकाळी 5.30 आणि 6.30 वाजता दोन फेऱ्या होतील.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com