जाणून घ्या, कधी होतो जाहीर ऑरेंज अलर्ट

ऑरेंज अलर्ट जारी केला जातो, जेणेकरून नागरिकांना व शासनाला योग्य ती पावले उचलणे शक्‍य होईल.
Orange alert issued by IMD in Goa
Orange alert issued by IMD in Goa Dainik Gomantak

गोवा: ज्यावेळी सतत दोन-तीन तास 110 मिलिमीटर किंवा त्‍यापेक्षा जास्‍त पाऊस बरसतो, त्यावेळी यलो अलर्टऐवजी ऑरेंज अलर्ट जारी केला जातो, जेणेकरून नागरिकांना व शासनाला योग्य ती पावले उचलणे शक्‍य होईल. तसेच ज्यावेळी मोठ्या प्रमाणात 200 मिलिमीटर किंवा त्‍यापेक्षा जास्‍त पाऊस कोसळतो, तेव्‍हा याच ऑरेंज अलर्टचे रूपांतर रेड अलर्टमध्ये करण्यात येते.

(Find out when the Orange Alert is released)

Orange alert issued by IMD in Goa
राज्यात कोरोना संक्रमण दर 14.30 टक्क्यांवर, नवे 130 बाधित रुग्ण

सतर्कतेचा इशारा

या अलर्टदरम्यान प्रभावित क्षेत्रातील लोकांना घराबाहेर काढण्याचे नियोजन करून ठेवावे लागते. तसेच शासनाला देखील सतर्क राहण्याचा इशारा देण्यात येतो. ज्यावेळी ऑरेंज अलर्ट असतो त्यावेळी भीतीचे कोणतेही कारण नसले तरी जर अधिक प्रमाणात पाऊस पडला तर त्यासाठी तयारीत रहा असा इशारा देण्यात येतो.

ज्यावेळी मान्सूनला सुरुवात होते व सतत दोन ते तीन दिवस 110 मिलिमीटर किंवा त्‍यापेक्षा जास्‍त पाऊस पडतो, त्यावेळी ऑरेंज अलर्ट दिला जातो. त्याद्वारे नागरिक व सरकारला सतर्क केले जाते.

- एम. राहुल, वैज्ञानिक , (पणजी वेधशाळा)

Orange alert issued by IMD in Goa
जमिनी हडप करण्याची 92 प्रकरणे उघडकीस

म्हापशात दिवसभर पावसाची रिपरिप

म्हापसा शहरासह बार्देश तालुक्यात पावसाचा जोर हळूहळू वाढत असून आज सोमवारीही शहरात पावसाची रिपरिप सुरुच होती. मागील, तीन-चार दिवसांपासून शहरात पावसाच्या हलक्या सरी पडत होत्‍या. शहरवासीयांची सोमवारची सकाळी पावसाच्या सरींनी उजाडली. दिवसभर हलक्या सरी, तर कधी उघडीप असा अनुभव नागरिकांनी घेतला. शहरात पावसाच्या सरी पहाटेपासून दुपारपर्यंत सुरु होत्या. एक वाजेनंतर पावसाचा वर्षाव थांबला. मात्र, ढगाळ हवामान कायम होते. सायंकाळी साडेपाच वाजेनंतर शहरातील विविध भागांमध्ये पुन्हा हलक्या व मध्यम सरी कोसळू लागल्या होत्या. तर सहा वाजल्यानंतर पुन्हा पावसाने विश्रांती घेतली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com