योगेश मिराशी
म्हापसा : म्हापशात रविवारी रात्री उशिरा अग्नितांडव पाहायला मिळालं. मिलाग्रीस चर्चशेजारीच असलेल्या या बेकरीला रात्री आग लागल्याने एकच गोंधळ उडाला. या आगीत बेकरी पूर्णपणे जळून खाक झाली असून मोठं नुकसान झालं आहे.
म्हापशात मिलाग्रीस चर्चजवळ ही गोवेकर बेकरी आहे. रविवारी रात्री 11 वाजून 5 मिनिटांनी अग्निशनम दलाला आग लागल्याची माहिती देणारा कॉल आला. तातडीने अग्निशमन दलाच्या गाड्या बचावकार्यासाठी रवाना झाल्या. रात्रीची वेळ असल्याने सुदैवाने बेकरीमध्ये कुणीही नव्हतं. मात्र अचानक लागलेल्या आगीत बेकरी जळून खाक झाली. आगीमध्ये बेकरीचं अंदाजे 2 लाख रुपयांचं नुकसान झालं आहे.
दरम्यान गोवेकर बेकरीला लागलेल्या आगीचं कारण अद्याप कळू शकलेलं नाही. मात्र शॉर्ट सर्किटमुळे आग लागल्याचा अंदाज व्यक्त केला जात आहे. खोर्लीत राहणाऱ्या दत्ताराम गोवेकर यांची ही बेकरी असून सुमारे 2 लाखांचं नुकसान झालं आहे. तर 50 हजारांचं सामान वाचवण्यात यश आलं आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
