Fire in Goa : कोपार्डे सत्तरीतील वाघेरी डोंगराजवळ असलेल्या काजू बागायतीला आग

Fire in Goa : गोव्यात आता दररोज आगीच्या घटना समोर येत आहेत. नुकत्याच मिळालेल्या माहितीनुसार, कोपार्डे सत्तरी येथील वाघेरी डोंगराजवळ असलेल्या काजू बागायतीला आग लागली आहे. या आगीत मोठ्या प्रमाणात नुकसान होण्याची शक्यता सध्या वर्तवण्यात येत आहे.

आगीची माहिती मिळताच गावातील नागरिक, वनकर्मचारी, युवक घटनास्थळी मदत कार्यासाठी दाखल झाले असून आग विझवण्याचे प्रयत्न सुरू आहेत.

ही आग सकाळपासून लागली असुन काजू बागायत लोकवस्तीपासून लांब आहे. गावात सध्या शिगमोत्सव चालू असल्याने सर्वजण त्या संबंधित कामात व्यस्त आहेत. ही आग गावाजवळ पोहचत आहे.

ही आग कशामुळे लागली, याचे नेमके कारण समजू शकलेले नाही. मात्र कोणी तरी मुद्दामहून आग लावल्याचा संशय व्यक्त करण्यात येत आहे.

आता पिक घेण्याच्या वेळी पिकांची नासधुस होत असल्याने नागरिक हवालदिल झाले आहे. दरोडे, साट्रे येथे आग लागल्यानंतर आता कोदाळ सत्तरी येथील जंगलात आग लागल्याची माहिती प्राप्त झाली आहे. तर म्हादई अभयारण्य क्षेत्रात आगीचे तांडव सुरुच आहे.