नववर्षाच्या तोंडावर होणारी वाहतूक कोंडी लक्षात घेता उत्तर आणि दक्षिण गोव्याला जोडणारा नाव झुआरी पुल 30 डिसेंबर रोजी खुला करण्यात आला. केंद्रीय रस्ते आणि वाहतूक मंत्री नितीन गडकरी यांच्या हस्ते 29 डिसेंबर रोजी उद्धाटन झाले. वाहतूक कोंडीची समस्या सुटावी म्हणून उभारण्यात आलेल्या नव्या झुआरी पुलावरील पहिल्या वहिल्या अपघाताची नोंद झाली आहे. हा अपघात नव्या वर्षाच्या पहिल्याच दिवशी झाला आहे.
(First Accident reported at New Zuari Bridge on the first day of new year)
मिळालेल्या माहितीनुसार, तीन प्रवासी असलेल्या कारचा झुआरी पुलावरून जात असताना नव्या वर्षाच्या पहिल्याच (रविवारी) अपघात झाला. कार चालकाचे नियंत्रण सुटल्याने कार वळण घेऊन पुलाच्या संरक्षक कठड्याला धडकली. अपघातात तिन्ही प्रवाशांना किरकोळ दुखापत झाली आहे. उपाचारासाठी त्यांना रूग्णालयात दाखल करण्यात आले. अपघातात कारच्या समोरच्या बाजूचे मोठे नुकसान झाले आहे. दरम्यान, नवा झुआरी पुल वाहतुकीसाठी खुला करून अवघे दोनच दिवस झाले असताना पहिलाच अपघात झाल्याने नागरिक आश्चर्य व्यक्त करत आहेत.
दरम्यान, 2,530 कोटी खर्च करून भव्य झुआरी पुल उभारण्यात आला आहे. याशिवाय गोव्यात वाहतुकीचं जाळं पसरवण्यासाठी केंद्राचे प्रयत्न सुरुच आहेत. पत्रादेवी-पाळोळे या राष्ट्रीय महामार्गाचे चौपदरीकरणाचे काम अंतिम टप्प्यात असून पत्रादेवी-दोडामार्ग-केरी-मोले-पाळोळे अशा बायपासला केंद्र सरकारने हिरवा कंदील दाखविला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
