Purple Fest 2023: राज्यात पहिल्यांदाच होत असलेल्या राज्य दिव्यांगजन आयोग आयोजित पर्पल फेस्टमध्ये विविध स्पर्धा होत आहेत. यात अखिल भारतीय पॅरा टेबल टेनिस ओपन चॅम्पियनशिप, दृष्टिबाधितांसाठी आंतरराज्यीय क्रिकेट आणि मिस अँड मिस्टर डेफ इंडिया-2023, या राष्ट्रीय स्तरावरील स्पर्धा होतील, अशी माहिती समाज कल्याणमंत्री सुभाष फळदेसाई यांनी शुक्रवारी दिली.
पर्वरी सचिवालयात आयोजित पत्रकार परिषदेत ते बोलत होते. यावेळी आयोगाचे अध्यक्ष गुरुप्रसाद पावसकर, खात्याचे ताहा हाझिक, समाज कल्याण सचिव सुभाष चंद्रा, संचालक संध्या कामत, गोवा क्रिकेट असोसिएशनचे डॉ. केतन भाटीकर, सुदेश गावडे, आयपीएचबीमधील मानसोपचार सामाजिक कार्याचे साहाय्यक प्राध्यापक आणि गोवा असोसिएशन ऑफ द डेफचे राहुल कुंकळ्ळीकर उपस्थित होते.
मंत्री फळदेसाई म्हणाले, ऑल इंडिया पॅरा टेबल टेनिस ओपन चॅम्पियनशिप 6 ते 7 जानेवारीदरम्यान मनोहर पर्रीकर इनडोअर स्टेडियम, कांपाल-पणजी येथे होतील. या स्पर्धेसाठी नोंदणी करण्याची अंतिम तारीख 15 डिसेंबर 2022 आहे. डॉ. भाटीकर म्हणाले, दृष्टिबाधितांसाठी आंतरराज्य क्रिकेट स्पर्धा 4 ते 7 जानेवारी या कालावधीत पर्वरी येथील गोवा क्रिकेट असोसिएशनच्या मैदानावर होतील.
राहुल कुंकळ्ळीकर म्हणाले, 10वी मिस आणि मिस्टर डेफ इंडिया-2023 स्पर्धा पणजी येथे 6 ते 8 जानेवारी 2023 या कालावधीत होईल. ही स्पर्धा ऑल इंडिया डेफ आर्ट्‌स अँड कल्चरल सोसायटी आणि गोवा असोसिएशन ऑफ द डेफ यांच्यात संयुक्तपणे होईल. नोंदणी आणि अधिक माहितीसाठी https://scpwd.goa.gov.in/ ला भेट द्या.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
