Bicholim|डिचोलीत मासळीसाठी खवय्यांची गर्दी

विक्रेते समाधानी : गणपती विसर्जनानंतर लोकांचा कल वाढला
fish market
fish marketDainik gomantak

डिचोली: चतुर्थीनंतर आता मासळी मार्केटात गजबज दिसून येत असून, श्रावणापासून एक महिन्यांहून अधिक काळ ‘शिवराक’ राहिलेल्या मत्स्यखवय्यांची पावले आता मासळीसाठी मार्केटाच्या दिशेने वळू लागली आहेत. चतुर्थीनंतर आज (मंगळवारी) डिचोलीसह विविध ठिकाणी मासळी मार्केटात गजबज दिसून येत होता. रविवारी पाच दिवसांच्या गणपतींचे विसर्जन केल्यानंतर सोमवार असल्याने कालपर्यंत मासळी मार्केटात वर्दळ कमी दिसून येत होती. मात्र आज मासळी मार्केटात वर्दळ वाढली होती.

(Bicholim Fish Market)

fish market
Goa Road Condition: खांबांवरील रस्‍त्‍याचे बांधकाम अखेर सुरू

सुरमई वगळता आज डिचोलीत अन्य प्रकारची मासळी मुबलक प्रमाणात उपलब्ध होती. मात्र मासळी महागलेली होती. तरीदेखील मासळीला मागणी होती. मत्स्यखवय्ये मासळी खरेदी करताना दिसून येत होते. डिचोलीसह कारापूर-तिस्क येथील मासळी मार्केटात सकाळी गर्दी दिसून येत होती.

मासे महागले

एक महिन्याहून अधिक काळ मासळी मार्केटात पाय न ठेवलेल्या मत्स्यखवय्यांना मात्र आज मासळी बरीच महाग असल्याचा अनुभव आला. त्यातल्या त्यात सुरमईचे दर ऐकताच अनेकांच्या कपाळाला आट्या पडत होत्या. आज बाजारात सुरमई 700 ते 800 रुपये किलो अशा दराने विकण्यात येत होती. कोळंबी आकाराप्रमाणे 400 ते 600 रुपये किलो अशी विकण्यात येत होती. बांगडे, समुद्रातील खेकडे 300 रुपये प्रति किलो असे दर होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com