कर्नाटकातील मासेमारी ट्रॉलरना काणकोणातील मच्छीमारांनी हाकलले
Two Trawler from Karnataka seized in Goa (संग्रहित फोटो)Dainik Gomantak

कर्नाटकातील मासेमारी ट्रॉलरना काणकोणातील मच्छीमारांनी हाकलले

गेले अनेक दिवस हे ट्रॉलर निर्धारित बारा नॉटिकल मैलाची हद्द ओलांडून गोव्याच्या समुद्री हद्दीत घुसून मासेमारी करतात.

काणकोण: मालपे - कर्नाटकातील (Karnataka) मासेमारी ट्रॉलरना (trawler) काणकोणमधील (CANACONA) मच्छीमारांनी (fisherman) काल हाकलून लावले. त्याचबरोबर त्याची जाळी ताब्यात घेतली. मात्र, या कारवाईत त्या ट्रॉलरवरील मच्छिमारांनी काणकोणमधील पाती घेऊन गेलेल्या मच्छिमारावर लोखंडी गोळ्यांचा मारा केला.

गेले अनेक दिवस हे ट्रॉलर निर्धारित बारा नॉटिकल मैलाची हद्द ओलांडून गोव्याच्या समुद्री हद्दीत घुसून मासेमारी करतात. काही वेळा पाच किलोमीटरपेक्षा कमी हद्दीत मासेमारी ते करतात. आज कारवाई केली त्यावेळी तेरा ट्रॉलर पाच नॉटिकल मैलापेक्षा कमी अंतरावर घुसून मासेमारी करत होते, तर आजुबाजुला सुमारे शंभर ट्रॉलर मासेमारी करत होते. ते जास्त क्षमतेचे ट्रॉलर असल्याने त्याची मासेमारी करण्याची क्षमता जास्त असते. यासंदर्भात मत्स्योद्योग खात्याकडे तक्रार केली. तळपण येथील तटरक्षक दलाकडे असलेल्या बोटी तळपण जेटीवर काढून ठेवण्यात आल्या आहेत. त्यामुळे तटरक्षक दलाचे पोलिस व काणकोण पोलिस ठाण्याच्या पोलिसांना बरोबर घेऊन ही कारवाई करण्यात आली असल्याचे मत्स्य व्यावसायिक व पैंगीणचे पंच रूद्रेश नमशीकर यांनी सांगितले.

Two Trawler from Karnataka seized in Goa (संग्रहित फोटो)
गोवा विद्यापीठात प्रलंबित निकालातील घोटाळ्याप्रकरणी NSUI ची निदर्शने

काणकोणचे ट्रॉलर त्यांचा पाठलाग करीत असल्याचे दिसताच काही ट्रॉलर्सनी समुद्रात मासेमारीसाठी टाकलेली जाळी सोडून पोबारा केला. आता यापुढे मच्छिमारांना मत्स्योद्योग खात्याने संरक्षण देण्याची गरज क्षत्रिय पागी समाजाचै अध्यक्ष अशोक धुरी त्याचप्रमाणे माजी नगराध्यक्ष रत्नाकर धुरी, दिवाकर पागी व अन्य मत्स्य व्यावसायिकांनी केली आहे.

Two Trawler from Karnataka seized in Goa (संग्रहित फोटो)
Goa Rain Updates: सोमवारपासून राज्यात पुन्हा पावसाचा इशारा

तटरक्षक दलाकडे अपुरी सामुग्री

तटरक्षक दलाची बोट तळपण जेटीवर नादुरुस्त अवस्थेत आहे. या तटरक्षक दलाच्या तळपण पोलिस स्टेशनकडे पोळे ते बेतूलपर्यंतच्या समुद्री टापूचे टेहळणी करण्याचे कार्यक्षेत्र आहे. अपुऱ्या सामुग्रीमुळे ते हतबल आहेत. सध्या मच्छीमारांनाच स्वरक्षण करावे लागते हे आजच्या घटनेने पुढे आले आहे.

Related Stories

No stories found.
Dainik Gomantak | दैनिक गोमन्तक
www.dainikgomantak.com