Hollant LED Fishing: स्थानिकांच्या सतर्कतेने एलईडी मासेमारी करणाऱ्या पाच जणांना अटक; हॉलांत किनाऱ्यावर केली कारवाई

त्या बोटच्या मालकावर कडक कारवाई करा
LED Fishing
LED FishingDainik Gomantak

वास्को: स्थानिक मच्छिमारांनी काल रात्री हॉलांत समुद्रकिनाऱ्यावर एलईडी दिवे आणि जनरेटर असलेली मच्छिमारी बोट पकडली. स्थानिकांनी दिलेल्या माहितीनुसार ही बोट महाराष्ट्रातील आकिब मुजावर याच्या मालकीची आहे.

(Five arrested for fishing with LED on Hollant sea )

मिळालेल्या माहितीनुसार हॉलांत येथील स्थानिक मच्छिमारांना काल रात्री 11.30 वाजता एक बोट एलईडी लाईटसह खोल समुद्रात दिसली. त्यांनी लगेच आपली बोट घेऊन तेथे धाव घेत त्यांच्याकडे चौकशी केली असता या बोटीवरील कर्मचारी निरूत्तर झाले.

यावेळी स्थानिक मच्छिमारांनी मच्छिमारी विभागाशी संपर्क साधण्याचा प्रयत्न केला असता संपर्क होऊ शकला नाही. दरम्यान आज सकाळी पुन्हा विभागाशी संपर्क साधत मच्छिमारी विभागाचे अधिकारी हॉलांत येथे येत घटनेचा पंचनामा केला. यावेळी तटरक्षक पोलिसांनाही पाचारण करण्यात आले. दरम्यान या बोटीची झडती घेतली असता बोटीत एलईडी लाईटस् मोठ्या प्रमाणात सापडल्या आहेत.

LED Fishing
Climate Change: वातावरण बदलामुळे गोवेकर हैराण, 'असे' आहे गोव्याचे हवामान

जप्त केलेल्या साहित्यामध्ये एक जनरेटर. तसेच पाण्यात याबोटीला एलईडी लाईटस लावलेल्या आढळल्या. अधिक मिळालेल्या माहितीनुसार हा बोट फक्त एलईडी लाईटस् मारण्यासाठी उपयोगात आणली जात होती व मच्छिमारीसाठी दुसरी बोट येते अशी माहिती प्राप्त झाली आहे. या बोटवरील पाच कर्मचाऱ्यांना तररक्षक पोलिसांनी ताब्यात घेतले असून रात्री उशीरापर्यन्त चौकशी सुरु होती.

LED Fishing
Mopa Airport: कधी होणार 'मोपा'वरुन विमान उड्डाण? नवी अपडेट आली समोर

त्या बोटच्या मालकावर कडक कारवाई करा

गोयचो रापोणकारांचो एकवोटचे सरचिटणीस ओलन्सियो सिमॉईश यांनी याविषयी नाराजी व्यक्त करताना एलईडी लाईटवर घालण्यात आलेला बंदी नावापुरती असून उच्च न्यायालयाच्या आदेशाला केराची टोपली दाखवण्यात आली आहे. याची अंमलबजावणी होत नाही. सरकारने तसेच मच्छीमारी विभागांने याच्यावर तातडीने उपाययोजना करावी तसेच पकडण्यात आलेल्या बोटवर व त्या बोटच्या मालकावर कडक कारवाई अशी मागणी केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com