शेवटी मासा गळाला लागलाच, लोबोंविरोधात भाजपचे ‘सिक्वेरास्‍त्र’

जोसेफ भाजपमध्‍ये दाखल : कळंगुटमधून उमेदवारी देणार
Michael Lobo in Joseph Sequeira
Michael Lobo in Joseph SequeiraDainik gomantak

उत्तर गोव्यातील महत्त्‍वपूर्ण असलेल्‍या कळंगुट मतदारसंघातील विरोधी गट फोडण्यात भाजप यशस्वी झाला आहे. नुकताच भाजपला रामराम करून काँग्रेसमध्‍ये गेलेले माजी मंत्री मायकल लोबो यांना टक्कर देण्यासाठी कळंगुटचे माजी सरपंच जोसेफ सिक्वेरा यांना आपल्‍याकडे खेचण्‍याची भाजपची चाल यशस्‍वी ठरली आहे.

आता त्‍यांची उमेदवारी निश्‍चित मानली जात आहे. आज येथील भाजपच्या प्रचार कार्यालयात जोसेफ सिक्वेरा यांना भाजपमध्‍ये प्रवेश देण्यात आला. यावेळी प्रदेशाध्‍यक्ष सदानंद शेट तानावडे, मुख्यमंत्री डॉ. प्रमोद सावंत यांच्यासह अनेक मान्‍यवर उपस्थित होते.

Michael Lobo in Joseph Sequeira
धर्मेश सगलानींच्या विरोधात 50 लाखांच्या खंडणीचा गुन्हा दाखल

यापूर्वी सिक्वेरा काँग्रेसमध्ये होते. सिक्वेरा, माजी आमदार आग्नेल फर्नांडिस आणि अँथनी मिनेझिस यांचा भाजपविरोधी गट कार्यरत होता. या तिघांनाही काँग्रेसची उमेदवारी मिळाली नसल्याने काही दिवसांपूर्वी त्यांनी तृणमूल काँग्रेसमध्ये प्रवेश केला होता. अखेर यातील जोसेफ भाजपच्‍या गळाला लागलेच.

शेवटी मासा गळाला लागलाच!

माजी मंत्री मायकल लोबो (Michael Lobo) यांनी भाजपसोडून काँग्रेसमध्ये प्रवेश केल्याने त्यांच्याविरोधात कुणाला उमेदवारी द्यावी हा पेच भाजपसमोर निर्माण झाला होता. यापूर्वी भाजपने (BJP) पक्षाबाहेर असलेले मात्र पक्षाला मानणारे गुरुदास शिरोडकर यांना पक्षात सामावून घेऊन लोबोंविरोधात निवडणूक लढविण्‍यासाठी करण्यासाठी प्रयत्न केले होते.

Michael Lobo in Joseph Sequeira
'कॉंग्रेसने हार पत्करली, दोन्ही आमदार भाजपाचेच'

मात्र लोबो यांना टक्कर देणारा उमेदवार असावा यासाठी नव्यानेच तृणमूल काँग्रेसमध्ये गेलेले जोसेफ सिक्वेरा यांना फोडण्यात भाजप यशस्वी झाला आहे. त्यांना कळंगुट मतदारसंघातून उमेदवारी देण्यात येणार असल्याचे पक्षाध्यक्ष तानावडे यांनी जाहीर केले.

सध्या काँग्रेसमध्ये (Congress) प्रवेश करणारे नेते संधिसाधू असून, त्यांना जनता कधीच माफ करणार नाही. त्यांची मानसिक स्थिती बिघडलेली आहे. यापुढे आपण एकत्र काम करुया. मला भाजपने पक्षात प्रवेश दिल्‍याबद्दल आभारी आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com