माजी पंतप्रधान राजीव गांधी भारतीय विकासाचे शिल्पकार: युरी आलेमाव

राजीव गांधींनी या देशाला व विशेष करून आपल्या राज्याला दिलेले योगदान आपण विसरू शकत नसल्याचे राजीव गांधींच्या जयंती निमित्त आयोजित कार्यक्रमात आलेमाव यांनी सांगितले.
माजी पंतप्रधान राजीव गांधी भारतीय विकासाचे शिल्पकार: युरी आलेमाव
माजी पंतप्रधान राजीव गांधी भारतीय विकासाचे शिल्पकार: युरी आलेमावDainik Gomantak

कुकळली: दिवंगत प्रधानमंत्री राजीव गांधींनी माहिती तंत्रज्ञानाच्या नवीन तांत्रिक युगाला अनुसरून अमिट पाऊलखुणा सोडल्या आहेत. त्यांच्या सक्रिय राजकारणात प्रवेशाने भारतातील शिक्षण आणि मानव संसाधन विकासास गुणात्मक वळण मिळू शकले व राजीवजींनी पुढाकार घेतलेल्या अनेक उपक्रमांमुळे खऱ्या अर्थाने भारतात उदारीकरणाच्या दिशेने वाटचाल झाली व त्यांनी आर्थिक सुधारणाची निव घातली असे काँग्रेस नेते युरी आलेमाव यांनी कुकळली गट कॉग्रेस समितीने राजीव गांधींच्या जयंती निमित्त आयोजित कार्यक्रमात बोलताना सांगितले.

माजी पंतप्रधान राजीव गांधी भारतीय विकासाचे शिल्पकार: युरी आलेमाव
Goa Police: चंद्रकांत बांदेकर हत्या प्रकरणात एकाला गुजरातमधून अटक

विमान उड्डाण करण्याची आवड असलेल्या व्यावसायिक पायलटने राजकारणापासून अलिप्त राहणे पसंत केले होते परंतु नियतीने त्याला भाऊ संजयच्या अचानक आणि दुःखद मृत्यूनंतर ते राजकारणात खेचले गेले. काँग्रेस पक्षाचा प्रचार करत असताना राजीव गांधी यांची आत्मघाती बॉम्बरने हत्या करण्यात आली त्यांच्या जयंतीनिमित्त, आपण राजीव गांधींच्या भारतातील नाविन्यपूर्ण योगदाना मुळे प्रभावित होऊन काँग्रेस कुटुंबात सामील झाले असल्याचे युरी यावेळी बोलताना म्हणाले. राजीव गांधींनी या देशाला व विशेष करून आपल्या राज्याला दिलेले योगदान आपण विसरू शकत नसल्याचे आलेमाव यांनी यावेळी बोलताना सांगितले.

माजी पंतप्रधान राजीव गांधी भारतीय विकासाचे शिल्पकार: युरी आलेमाव
न्यायालयाच्या आदेशानुसार सरकार टॅक्सींना डिजिटल मीटर लागू करणार

कुकळली गट अध्यक्ष असिझ नोरोन्हा यांनी उपस्थितांचे स्वागत केले. महिला गट अध्यक्ष सोनिया फर्नांडिस, नगराध्यक्ष लक्ष्मण नाईक यांनीही यावेळी राजीव गांधींच्या कार्याची प्रशंसा केली. उपनगराध्यक्ष उपाध्यक्ष अँथनी वाज, नगरसेवक गौरी शेटकर , रायमुंडो डिसूझा, लँड्री मास्करेन्हास, जमीरा पिरिस, उद्धेश देसाई व इतर काँग्रेस कार्यकर्ते उपस्थित होते. सर्व मान्यवरांनी प्रथम दिवंगत राजीव गांधी यांच्या फोटोला पुष्पहार अर्पण केला आणि भारताच्या माजी पंतप्रधानांना पुष्पांजली वाहिली.

Related Stories

No stories found.
Dainik Gomantak | दैनिक गोमन्तक
www.dainikgomantak.com