Women's Day 2023 : महिला दिनी नावेलीत 'विविधा'तर्फे माजी विद्यार्थिनींचा सत्कार

नावेली येथील विविधा उच्च माध्यमिक विद्यालयात जागतिक महिला दिन मोठया उत्साहात साजरा करण्यात आला.
Women's Day 2023
Women's Day 2023Dainik Gomantak

Women's Day 2023 : नावेली येथील विविधा उच्च माध्यमिक विद्यालयात जागतिक महिला दिन मोठया उत्साहात साजरा करण्यात आला.

महिला दिनानिमित्त वेगवेगळ्या क्षेत्रात उल्लेखनीय कार्य करणाऱ्या विविधाच्या माजी विद्यार्थिनींचा यानिमित्ताने सत्कार केला.

Women's Day 2023
Goa Shigmotsav: धारबांदोडा तालुक्यात चोरोत्सव उत्साहात साजरा

उच्च शिक्षण घेत वकील बनलेल्या समीरा गावस, शिक्षिका बनलेल्या निरुपा नाईक व डॉ. तेजा गावस आणि परीचारिका पदी कार्यरत असलेल्या श्रृती गावस यांना या कार्यक्रमात सन्मानित करण्यात आले.

यावेळी आपले मनोगत व्यक्त करताना निरुपा नाईक म्हणाल्या की, माझी शाळा मला माहेर असून माहेरवाशीणीला जो आनंद होतो, तोच आनंद आज मला झालेला आहे. मी माझ्या शिक्षकांमुळेच घडले. त्यांनी केलेल्या संस्कारांमुळे आणि प्रोत्साहनामुळेच घडले.

तर वकील समीरा गावस यांनी आपले मनोगत व्यक्त करताना सांगितले की, पावलापावलावर या शिक्षकांकडून मिळालेल्या मार्गदर्शनामुळेच आपण आज यशस्वी वकिली करत आहे. प्राचार्य रमेश सिनारी यांनी सत्कार मूर्तींना सन्मानचिन्ह व शाल देऊन सन्मानित केले.

जेष्ठ शिक्षक एकनाथ मांद्रेकर यांनी महिला दिनानिमित्त आपले विचार व्यक्त केले. कार्यक्रमाचे सूत्रसंचालन कु. आपटे हिने केले तर कु. सलोनी मोरजकर हिने आभार मानले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com