शिरोडा : फोंड्याहून सावर्डेच्या दिशेने जाणाऱ्या एका खासगी बसने शिरोडा बाजारातील रस्त्याच्या कडेला असलेल्या वीज खांबाला जोरदार धडक दिल्याने हा वीज खांब वीजवाहिन्यांसह रस्त्यावर कोसळला. या अपघातात बसने पाच दुचाकींना जोरदार धडक दिल्यामुळे मोठा बाका प्रसंग उद्भवला हा अपघात आज मंगळवारी संध्याकाळी 6 च्या सुमारास घडला. (Four passengers were injured when a passenger bus hit the electricity pole at Shiroda on Tuesday)
अपघातावेळी स्कुटरचालकाने उडी घेतल्याने तो बचावला. फोंड्याहून सावर्डेला जाणाऱ्या जीए 04 टी 4289 या बसगाडीच्या चालकाला चक्कर आल्याने हा अपघात घडला असल्याचे समजते. या अपघातात बसमध्ये बसलेल्या पाच महिला किरकोळ जखमी झाल्या.
रस्त्यावरअसलेल्या अन्य 4 जणांना किरकोळ दुखापती झाल्या. सुदैवाने मासेमारी महिला अपघात होत असलेला पाहून महिलांनी सुरक्षित ठिकाणी धाव घेतली. अपघातावेळी रस्त्यावर अन्य कोणी नसल्यामुळे मोठा अनर्थ टळला. अपघाता वेळी मोठा आवाज झाल्याने लगत असलेल्या लोकांत मोठी घबराट उडाली. त्यानंतर लगेच स्थानिकांनी बचाव कार्य हाती घेतले. अपघातानंतर फोंडा पोलिस तसेच अग्निशामक दलाला कळविण्यात आले फोंडा पोलिसांनी अपघाताचा पंचनामा केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
