Self Accident Reported aAt Nirankal-Dabal: नागपंचमी साजरी करून वास्को येथे आपल्या निवासस्थानी जात असताना निरंकाल येथे उतरणीवर कार दरीत कोसळण्याची घटना घडली.
या अपघातात निरंकाल-कुंभारवाडा येथील विठ्ठल खांडेपारकर (७२) त्यांची पत्नी संगीता खांडेपारकर (६६) हे दोघेही जखमी झाले. विठ्ठल यांची प्रकृती गंभीर असून त्यांच्यावर गोमेकॉत उपचार सुरू आहेत.
माहितीनुसार, विठ्ठल खांडेपारकर हे वास्को येथे कामानिमित्त राहतात. सोमवारी ते आणि त्यांची पत्नी नागपंचमी साजरी करण्यासाठी कुंभारवाडा या मूळ गावी गेले होते. सायंकाळी वास्को येथे जात असता निरंकाल येथे उतरणीवर असलेल्या उजव्या बाजूला असलेल्या ढिगाऱ्याला धडक दिली.
या धडकेत गाडीच्या बंपर तुटला तसेच चालकाच्या बाजूला असलेला भाग चक्काचूर झाला. गाडी रिव्हर्समध्ये जाऊन दरीत कोसळली. त्यामुळे दोघांनाही गंभीर दुखापत झाली आहे. स्थानिकांनी त्यांना गाडीतून बाहेर काढले.
उपचारांसाठी फोंडा उपजिल्हा हॉस्पिटलमध्ये नेले. विठ्ठल खांडेपारकर यांच्या डोक्याला व पायाला गंभीर दुखापत झाल्याने त्यांना बांबोळी येथे तर संगीता यांच्यावर फोंडा येथील हॉस्पिटलमध्ये उपचार सुरू आहेत.
रस्ता अरुंद व वळणाचा
निरंकाल ते बेतोडापर्यंतचा हा रस्ता अतिशय अरुंद आणि वळणाचा आहे. चढती आणि उतरणी अधिक असल्याने तो धोकादायक ठरलेला आहे. या रस्त्यावर वारंवार अपघात घडत असतात.
हा रस्ताचे रुंदीकरण होणे आवश्यक असून सरकारने लवकरात लवकर दखल घ्यावी, अशी मागणी ग्रामस्थ संजय गावकर यांनी केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
