डिचोली तालुक्यात वेगवेगळ्या भागांत शिगमोत्सवाला मोठ्या उत्साहात सुरुवात झाली असून, बहुतेक भागांत रोमटांना प्रारंभ झाला आहे. गावोगावी ढोल-ताशांचा ''घणचे कटर घण'' आवाज कानी पडू लागला आहे. गुरुवारपासून प्रसिद्ध घोडेमोडणीला प्रारंभ होणार आहे.
डिचोलीतील ठरावीक भागात पारंपरिक घोडेमोडणी हे तेथील शिगमोत्सवाचे वैशिष्ट्य आहे. सध्या गावागावांत घोडेमोडणीची लगबग सुरू आहे. बोर्डे-डिचोली येथील घोडेमोडणी उद्या (गुरुवारी) साजरी करण्यात येणार आहे. तर लाडफे, गावकरवाडा-डिचोली, केळबायवाडा-मये, कुडचिरे सर्वण येथील घोडेमोडणी शुक्रवारी (ता.10) रोजी साजरी होणार आहे.
शुक्रवारी अग्निदिव्य-
सर्वण येथील रात्रीच्यावेळी साजरी होणारी घोडेमोडणी आणि होमकुंड उत्सव प्रसिद्ध आहे. यंदा शुक्रवारी (ता.10) हा उत्सव साजरा होणार आहे. रात्री 9 वा. रोमटाचे श्री श्यामपुरुष मंदिरात आगमन झाल्यानंतर दोन घोडे नेसविण्यात येणार आहेत.
नंतर होळीजवळ गाऱ्हाणे घालून पारंपरिक घोडेमोडणी होणार आहे. घोडेमोडणी झाल्यानंतर होमकुंड उत्सव होणार आहे. मध्यरात्री भक्तगण पेटत्या होमकुंडात अग्निदिव्य करणार आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
