कारवाईच्या भीतीने दक्षिण गोव्यातील जुगार अड्डे बंद

मडगावातील मिनी कसिनोवर कारवाईनंतर अड्डेवाल्यांचं धाबं दणाणलं
कारवाईच्या भीतीने दक्षिण गोव्यातील जुगार अड्डे बंद
Goa CasinoDainik Gomantak

मडगाव : मडगाव येथील एका मिनी कसिनो जुगार अड्ड्यावर कारवाई करून 9 जणांना मडगाव पोलिसांनी अटक केल्यानंतर आता अड्डेवाल्यांचं धाबं दणाणलं आहे. दक्षिण गोव्यातील काही ठिकाणी चालणाऱ्या जुगार अड्डेवाल्यानी आपला व्यवहार काही काळासाठी बंद ठेवण्याचे ठरवले आहे.

Goa Casino
'कदंब पठाराला युनिफॉर्म एफएसआय द्यावा'

दोन दिवसापूर्वी मडगाव पोलिसांनी मडगाव येथील रेल्वे उड्डाण पुलाच्या जवळ चालत असलेल्या मिनी कसिनोवर कारवाई करून 9 जणांना अटक केली होती. याबरोबरच 2 लाख तीस हजार रुपयांचा ऐवजही जप्त केला होता. त्यामुळे मडगावसहित केपे, सावर्डे, कुडचडे, फोंडा या ठिकाणी जुगाराचा अड्डा चालवत असलेल्यांचे धाबे दणाणले आहे. भीतीने त्यांनी आपला व्यवसाय काही काळासाठी बंद ठेवल्याची माहिती आहे.

पोलिसांच्या माहितीनुसार ही कारवाई वरिष्ठ अधिकाऱ्यांच्या आदेशानुसार करण्यात आली होती. या प्रमाणे इतर ठिकाणीही अशीच कारवाई करण्यात येणार असल्याची माहिती फुटल्याने या जुगार व्यवसायिकांनी आपला धंदाच बंद ठेवला आहे.

Goa Casino
चोर्ला घाटात दोन ट्रकांचा भीषण अपघात

मडगाव खारेबांध हा परिसर जुगार अड्ड्यासाठी प्रसिद्ध आहे. गोव्यातील अनेक ठिकाणाहून जुगार खेळणारे येथे येत असत. यात मिनी कसिनो, सिंडिकेट रमी, तीन पत्ती, बेकायदेशीर लॉटरी असल्या प्रकारचे 15 ते 20 च्या आसपास जुगार अड्डे असून यातील काहींनी आपला व्यवसाय इतर ठिकाणी हलविला आहे. तर काहींनी काही काळासाठी बंद ठेवण्याचा निर्णय घेतला आहे . याबरोबरच ग्रामीण भागातील जुगार व्यवसायिकही या कारवाईने धास्तावलेले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.