Ganesh Chaturthi 2021: गणपती विसर्जन स्थळी जाणाऱ्या पायवाटेची साफसफाई

पाच दिवसांच्या गणपती बाप्पांचे उद्या (मंगळवारी) विसर्जन
पारंपरिक विसर्जन स्थळांची गणेशभक्तांकडून साफसफाई (Ganesh Chaturthi 2021)
पारंपरिक विसर्जन स्थळांची गणेशभक्तांकडून साफसफाई (Ganesh Chaturthi 2021)दैनिक गोमन्तक

Ganesh Chaturthi 2021: पाच दिवसांच्या गणपती बाप्पाचे उद्या (मंगळवारी) विसर्जन होणार आहे (5th Day of Ganesh Immersion). मंगलमूर्ती गणरायाचे विसर्जन सुरळीतपणे होण्यासाठी डिचोलीतील (Ganesh Visarjan at Bicholim) विविध भागात गणेशभक्त तयारीला लागले असून, पारंपरिक विसर्जन स्थळांची (Ganesh Immersion place) गणेशभक्तांकडून साफसफाई करण्यात आली आहे. डिचोलीतील धुमासे, लाडफे, कासारपाल, मुळगाव, सर्वण, मये आदी बहूतेक भागात पाच दिवसांची चतुर्थी साजरी करण्यात येत आहे.

पारंपरिक विसर्जन स्थळांची गणेशभक्तांकडून साफसफाई (Ganesh Chaturthi 2021)
Ganesh Chaturthi 2021: डोंगरी 'देखावा सजावट' स्पर्धेत पाडकर परिवाराचा देखावा प्रथम

सर्वण येथे पायवाटेची साफसफाई

सर्वण येथे पारंपरिक नदीवर गणेश विसर्जन करण्यात येते. गावातील श्री श्यामपुरुष मंदिरापासून नदीकडे जाणारी पायवाट साधारण एक किलोमीटर अंतराची आहे. काही ठिकाणी ही पायवाट अडगळीची आहे. त्यातच ही पायवाट वेलीझुडपांनी वेढली होती. स्थानिक पंच गोकुळदास सावंत यांनी पुढाकार घेवून पायवाटेच्या बाजूची झाडेझुडपे छाटून साफसफाई केली आहे.

या साफसफाई कामात भाजयुमोचे सीताराम सावंत, संतोष सावंत, सगुण सावंत आदी युवकांनी सहकार्य केले. दरम्यान,नदीकाठची भाटातील अडगळीची वाट संबंधित भाटकार मार्कूस फर्नांडिस यांच्याकडून स्वच्छ करण्यात आली आहे. विसर्जन स्थळाकडे जाणाऱ्या पायवाटेची साफसफाई केल्यामुळे गावातील गणेशभक्तांनी समाधान व्यक्त केले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com