Ganesh Chaturthi 2021: गोव्यातील महिलांची गणरायच्या आगमनाची जय्यत तयारी

सगळ्यांचा आवडता सण गणेश चतुर्थी अवघ्या दिवसावर असून त्यासाठी मखर सजावट, रोषणाई साहित्याची बाजारात रेलचेल सुरु आहे.
Ganesh Chaturthi 2021: गोव्यातील
महिलांची गणरायच्या आगमनाची जय्यत तयारी
चतुर्थीसाठी नेवऱ्या करण्यासाठी मग्न असलेल्या महिला.Dainik Gomantak

दाबोळी: गणेश चतुर्थी (Ganesh Chaturthi) निमित्त सर्वत्र लगबग अंतिम टप्प्यात येऊन ठेपली असून युवा वर्गाचा सजावटीकडे कल तर महिलांवर्गांचा चवथीसाठी करंज्या, लाडू, चकली, व इतर फराळ करण्याकडे व्यस्त आहे. तयारी पूर्णत्वाकडे आली असून गणरायाच्या आगमनाची वाट पाहत असल्याचे काहींनी सांगितले.

चतुर्थीसाठी नेवऱ्या करण्यासाठी मग्न असलेल्या महिला
चतुर्थीसाठी नेवऱ्या करण्यासाठी मग्न असलेल्या महिलाDainik Gomantak

सगळ्यांचा आवडता सण गणेश चतुर्थी अवघ्या दिवसावर असून त्यासाठी मखर सजावट, रोषणाई साहित्याची बाजारात रेलचेल सुरु आहे. गणेश चतुर्थी निमित्त लागणारे विविध साहित्य बाजारपेठेत उपलब्ध झाले आहे. झेंडूच्या फुलांची (100 ते 150 रुपये), प्लास्टिक फुलांचा हार ( 100 ते 500 रुपये), थर्माकोलची मखरे (500 ते 3000 रुपयांपर्यंत) विकले जात आहे. सजावटीचे साहित्य विक्रीसाठी उपलब्ध आहे. तसेच दिवे, पणत्या, समया यासारख्या वस्तू त्याशिवाय पूजेसाठी लागणारे साहित्य खरेदी करण्यास लोक मग्न आहेत. याव्यतिरीक्त रांगोळी, पडदे, याव्यतिरिक्त सजावटीसाठी लागणारे अन्य साहित्य घेण्यासाठी बाजारात गर्दी वाढत आहे.

चतुर्थीसाठी नेवऱ्या करण्यासाठी मग्न असलेल्या महिला.
Ganesh Chaturthi 2021: माटोळीच्या वस्तूंचे दर वधारले

दरम्यान महिला मंडळाचा करंज्या, चकल्या, मोदक, लाडू, शेव, अन्य जिन्नस तयार करून ठेवण्यास मग्न आहेत. त्यामुळे चतुर्थीचा माहोल तयार झाला आहे. या व्यतिरिक्त मकर सजावट, पताका लावण्यासाठी युवकांची लगबग सुरू आहे. ती लक्षात घेऊन तयारीला जोर लावला असून तयारी पुर्णत्वास आली आहे.

Related Stories

No stories found.
Dainik Gomantak
www.dainikgomantak.com