अडवलपाल येथे गव्याचा संचार

डिचोली तालुक्यातील अडवलपाल गावात लोकवस्तीजवळच एका गव्याचा संचार वाढला आहे.
अडवलपाल येथे गव्याचा संचार
Gaur Attack Dainik Gomantak

डिचोली : डिचोली तालुक्यातील अडवलपाल गावात लोकवस्तीजवळच एका गव्याचा संचार वाढला आहे. लोकवस्तीजवळच हा गवा फिरत असल्याने ग्रामस्थांत घबराट पसरली आहे. हा गवा धावत्या वाहनांचा पाठलाग करत असून, दोनच दिवसांपूर्वी एक दुचाकीस्वार सुदैवाने त्याच्या तावडीतून सुटला,अशी माहिती स्थानिकांकडून मिळाली.

Gaur Attack
15 दिवसात पाट्या पुन्हा कोकणीत रंगवल्या नाहीत तर...

या गव्याचा उपद्रव वाढण्यापूर्वीच वन खात्याने या गव्याचा बंदोबस्त करावा. अशी मागणी होत आहे. रात्री-अपरात्री हा गवा रस्त्यावर संचार करीत असताना अनेकांच्या नजरेला पडला आहे. दोन दिवसांपूर्वी एक दुचाकीस्वार अडवलपाल रस्त्याने जात असता, या गव्याने त्याच्यावर हल्ल्याचा प्रयत्न केला. मात्र सुदैवाने दुचाकीस्वार त्यातून बचावला.

काल (बुधवारी) रात्री पडलेल्या पावसावेळी हा गवा गावात शिरला होता, तर आज (गुरुवारी) सकाळी गवा गावातील कालव्याजवळ मुख्य रस्त्यावर हिंडत होता. गव्याच्या संचारामुळे रात्रीच्यावेळी रस्त्यावरुन एकट्या दुकट्याने प्रवास करणे धोक्याचे बनले असून, लोकांमध्ये भीतीचे वातावरण पसरले आहे.

गव्यांची संख्या आता वाढली आहे. गवे लोकवस्त्यांजवळ येण्यामागचे एक प्रमुख कारण म्हणजे घाट वा डोंगराळ परिसरात त्यांना खाद्य मिळणे दुरापास्त झाले आहे. खाद्य शोधार्थ गव्यांनी मोर्चा लोकवस्तीकडे वळवला आहे. अलीकडे बहुतेक भागात गव्यांचे अस्तित्व जाणवत आहे.

-अमृत सिंग, प्राणिमित्र.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com