Girish Chodankar: भाजपच्या हुकूमशाहीपुढे राज्यपालही झुकले

नगरपालिका 'गुप्त मतदान’ अध्यादेशावरुन डागले टीकास्त्र
Girish Chodankar
Girish ChodankarDainik Gomantak

पणजी : गोव्याचे राज्यपाल अ‍ॅड. पी.एस. श्रीधरन पिल्लई गोव्यातील भाजप सरकारच्या हुकूमाकडे झुकले आहेत. म्हणून नगरपालिकांचे प्रमुख निवडण्यासाठी ‘गुप्त मतदान’ पद्धत भंग करण्याच्या अध्यादेशाला त्यांनी संमती दिली आहे, असा आरोप गोवा प्रदेश काँग्रेस कमिटीचे माजी अध्यक्ष गिरीश चोडणकर यांनी केला आहे.

(Girish Chodankar alleged Goa Governor stopped to diktats of BJP bosses assented undemocratic ordinance)

Girish Chodankar
Margao Municipality: गोवा फॉरवर्ड पार्टी, काँग्रेसला खिंडार; 7 नगरसेवक भाजपमध्ये दाखल

चोडणकर म्हणाले की, अ‍ॅड. पिल्लई यांनी आपली तत्त्वे आणि नैतिकतेशी तडजोड करत अशी संमती देऊन कर्तव्यात कसूर केली आहे, ज्यामुळे गोव्यातील लोकशाहीचा घात झाला आहे. काँग्रेस पक्षाने या अध्यादेशाविरोधात आवाज उठवला, निवेदन सादर करूनही माजी सदस्यांनी त्याला संमती दिली. या लाजिरवाण्या दुरुस्त्या करून भाजप सरकारने आपले राजकारण गटार पातळीपर्यंत खाली आणले आहे.

Girish Chodankar
Navewade: पाणी मिटर चोरी प्रकरणात एकाला अटक

गोव्यातील जनतेला राज्यपालांकडून अशी अपेक्षा नव्हती. एक नामांकित वकील, विचारवंत आणि लेखक म्हणून ओळखले जाणारे पिल्लई त्यांच्या लोकशाही मूल्यांसाठी ओळखले जातात. यानिमित्ताने त्यांनी सरळ माणूस म्हणून स्वतःची प्रतिष्ठा आणि प्रतिमा कलंकित केली आहे. भाजप देश आणि राज्यातील विरोध संपवण्याचा प्रयत्न करत आहे. हे सर्वश्रुत आहे. ते घटनात्मक संस्था उद्ध्वस्त करत आहेत आणि लोकशाहीचा गळा घोटत आहेत. असा आरोप ही चोडणकर यांनी केला.

"मला खात्री आहे की पिल्लई यांनी भाजपच्या दबावाखाली ज्या गोष्टी केल्या आहेत, त्या विरोधात काम केल्याबद्दल त्यांचा विवेक त्यांना त्रास देत राहील, यातून पिल्लई यांनी गोवावासीयांची केवळ निराशाच केली नाही, तर त्यांचे अनेक समर्थक आणि हितचिंतकही या कृतीने आश्चर्यचकित झाले आहेत. असे ही ते म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com