फोंडा नगराध्यक्षपदी गिताली तळावलीकर

प्रतिस्पर्धी उमेदवार प्रदीप नाईक यांना सात तर गिताली तळावलीकर यांना आठ मते मिळाली.
फोंडा नगराध्यक्षपदी गिताली तळावलीकर
Gitali Talavalikar Dainik Gomantak

फोंडा: फोंडा पालिकेच्या नगराध्यक्षपदासाठी मंगळवारी 11 रोजी खास बैठक झाली. शांताराम कोलवेकर यांनी नगराध्यक्षपदाचा राजीनामा दिल्यानंतर पाचव्या नगराध्यक्षाचे वेध पालिकेला लागले होते. नगराध्यक्षपदासाठी गिताली तळावलीकर व प्रदीप नाईक स्पर्धेत होते. मात्र, गिताली तळावलीकर यांच्या गळयात विजयाची माळ पडली आहे. त्यांची फोंडा (Ponda) नगराध्यक्षपदी निवड झाली. प्रतिस्पर्धी उमेदवार प्रदीप नाईक यांना सात तर गिताली तळावलीकर यांना आठ मते मिळाली. (Ponda Municipality Election Latest News)

Gitali Talavalikar
गोव्यात 'कोविड-19 होम टेस्टिंग किटची' मागणी वाढली

कुर्टी - खांडेपार पंचायतीत गेल्या साडेचार वर्षांत आठवेळा सरपंचाची निवड करण्यात आली आहे. फोंडा पालिकेतही गेल्या चार वर्षांतील आता पाचव्या नगराध्यक्षाची निवड झाली असून कुर्टी - खांडेपार पंचायतीनंतर फोंडा पालिकेतही संगीत खुर्चीचा खेळ सुरू असल्याच्या प्रतिक्रिया पालिकेतील नागरिकांकडून व्यक्त होत्या. नगरसेवक केवळ खुर्चीसाठी आटापिटा करीत असून विकासकामांवर विपरित परिणाम झाल्याच्याही प्रतिक्रिया नागरिकांनी (Citizens) व्यक्त केल्या.

Gitali Talavalikar
कोविडयोद्ध्यांना नोकऱ्यांमध्‍ये प्राधान्य द्या, अन्यथा...

संगीत खुर्चीचा खेळ

गेल्या 29 एप्रिल 2018 रोजी पालिकेच्या पंधरा प्रभागांसाठी निवडणूक झाली होती. त्यावेळी सुरवातीला प्रदीप नाईक, त्यानंतर व्यंकटेश ऊर्फ दादा नाईक, विश्‍वनाथ दळवी आणि शांताराम कोलवेकर असे चार नगराध्यक्ष होऊन गेले आणि आता पाचव्या नगराध्यक्षाची निवड झाली. फोंडा मतदारसंघातील कुर्टी - खांडेपार पंचायतीनंतर फोंडा पालिकाही संगीत खुर्चीच्या खेळात मागे नाही, हेच विद्ममान पालिका मंडळाने सिद्ध केल्याच्या प्रतिक्रिया व्यक्त होत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com