GMC जॉब स्कॅम हा गोव्यातील सर्वात मोठा स्कॅम : शैलेंद्र वेलिंगकर

गोवा भाजपमध्ये आपण कल्पना करू शकत नाही अशा स्तरावर भ्रष्टाचार सुरू आहे. आणि याचेच एक उदाहरण म्हणजे जीएमसी (GMC) मध्ये झालेला नोकरभरती घोटाळा. जीएमसीमधील नोकरभरती हा गोव्यातील सर्वात मोठा घोटाळा आहे.
GMC जॉब स्कॅम हा गोव्यातील सर्वात मोठा स्कॅम  : शैलेंद्र वेलिंगकर

शैलेंद्र वेलिंगकर

Dainik Gomantak

Goa: गोवा विधानसभा निवडणुकीसाठी गोव्यातील राजकीय पक्षांची जोरदार तयारी सुरू आहे. यासाठी एकमेकांवर आरोप-प्रत्यारोपांची मालिका देखील सुरूच आहे. या दरम्यान बरेचसे घोटाळे समोर येत आहेत. गोव्यातील अधिकाऱ्यांकडून झालेले भ्रष्टाचार आता हळूहळू जगासमोर आणले जात आहेत. नुकतेच गोव्याच्या मुख्यमंत्र्यांवर देखील कमकुवत मुख्यमंत्री म्हणून टीका करण्यात आली.

<div class="paragraphs"><p>शैलेंद्र वेलिंगकर</p></div>
गोवा विद्यापीठाच्या पदव्युत्तर परीक्षा ऑफलाईन, तर इतर परीक्षा ऑनलाईन

यातच आता सामाजिक कार्यकर्ते शैलेंद्र वेलिंगकर (Shailendra Welingkar) यांनीदेखील टीका केली आहे. ते म्हणाले की, 'गोवा भाजपमध्ये आपण कल्पना करू शकत नाही अशा स्तरावर भ्रष्टाचार सुरू आहे. आणि याचेच एक उदाहरण म्हणजे जीएमसी (GMC) मध्ये झालेला नोकरभरती घोटाळा. जीएमसीमधील नोकरभरती हा गोव्यातील सर्वात मोठा घोटाळा आहे. आणि या घोटाळ्यासाठी आरोग्यमंत्री विश्वजित राणे (Vishwajit Rane), जीएमसी डीन डॉ. बांदेकर (Shivanand Bandekar), जीएमसी प्रशासन संचालक दत्ताराम सरदेसाई आणि जीएमसीचे भरती प्रमुख कालिया गावकर ही जबाबदार आहेत', असा आरोप देखील त्यांनी केला आहे. यासंदर्भात ते पुढे म्हणाले की, 'या सर्व विषयावर मी वकिलांशी सल्ला-मसलत केली असून मी लवकरच कोर्टातही जाणार आहे.

ते म्हणाले की, जीएमसीचे डीन आणि प्रामुख्याने जीएमसी प्रशासन संचालक दत्ताराम सरदेसाई यांनी विश्वजित राणे यांच्या सांगण्यावरून फसवणूक करून नियुक्तीपत्रे दिली. आरोग्यमंत्र्यांच्या निर्देशानुसार 1371 पदांवर नियुक्तीपत्रे देण्यात आली होती, असा आरोप वेलिंगकर यांनी केला असून, त्यांच्याकडे संपूर्ण कागदोपत्री पुरावे आहेत, असेही त्यांनी सांगितले आहे. विश्वजित राणे यांनी दिलेल्या तथाकथित रोजगाराबाबतही त्यांनी सतरीच्या लोकांना इशारा दिला आहे. आता यावर मुख्यमंत्री आणि विश्वजित राणे काय प्रतिक्रिया देणार याकडे सर्वांचे लक्ष लागून राहिले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com