मडगाव: रस्त्याच्या कडेला असलेली धोकादायक झाडे कापताना रस्त्यावर लोकांना सतर्क करण्यासाठी कुणी न ठेवण्याची सार्वजनिक बांधकाम खात्याने (Public Works Department) केलेली चूक एका 25 वर्षीय युवकाच्या जीवावर बेतली. हे झाड कापताना त्याचवेळी आपल्या बाईक वरून जात असलेल्या रिचर्ड कॉस्ता (Richard Costa) या युवकावर पडल्याने तो त्याखाली चिरडून जागीच ठार झाला.
ही दुर्घटना सायंकाळी 6 च्या दरम्यान घडली. या दुर्घटनेमुळे स्थानिक लोक सतंप्त होऊन रस्त्यावर जमा झाले. सार्वजनिक बांधकाम खात्याच्या हलगर्जीपणामुळे एका युवकाचा जीव गेल्याने या खात्याच्या अधिकाऱ्याला सदोष मनुष्यवधाचा गुन्ह्याखाली त्वरित अटक करा अशी मागणी हा जमाव करत होता.
रात्री उशिरपर्यत त्यामुळे या भागात तणावाची स्थिती होती. त्यामुळे पोलिसांनाही तिथे तैनात करण्यात आले होते. सदर युवक खलाशी म्हणून काम करत होता. मात्र कोविडमुळे जहाजे बंद झाल्याने तो सध्या घरीच होता अशी माहिती मिळाली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.