Goa Accident : नातीचा वार्षिक मास पाहण्यासाठी गेलेले ज्योकी-लीना काळाच्या पडद्याआड!

करमणेत हळहळ ; ज्योकी पत्नीसह चार पाच वर्षांतून एकदा यायचे गोव्यात, दुबई येथे होते वास्तव्यास
Goa Accident Death
Goa Accident DeathDainik Gomantak

मडगाव : एका वर्षापूर्वी त्यांनी आपली नात गमावली. हे दुःख पचवून तिच्या पहिल्या पुण्यतिथी दिनी करमणे चर्च मध्ये ठेवलेल्या वार्षिक मासमध्ये भाग घेण्याच्या इराद्यानेच ज्योकी रॉड्रीग्स हे पत्नी लीना अन्य कुटुंबियांसह घरी आले होते.

मात्र या मासमध्ये भाग घेण्याचे त्यांच्या नाशिबीच नव्हते. कारण घरी येताना वाटेतच त्यांना अपघात झाला. मंगळवारी सकाळच्या प्रहरी झालेल्या या अपघाताचे वृत्त करमणे गावात पोहोचल्यावर या गावातील लोकांनी हळहळ व्यक्त केली.

Goa Accident Death
Goa Police : गोवा पोलिसांकडील अनेक अल्कोमीटर यंत्रे नादुरुस्त अवस्थेत

ज्योकी रॉड्रिग्ज हे मूळ करमणे येथील असले तरी ते पूर्वी ब्रिटीश एअरव्हेज काम करत असल्यामुळे दुबई येथेच स्थायिक झाले होते. 15 वर्षांपूर्वी ते या कामातून निवृत्त झाले. त्यांची मुलगी जेसी ही सुद्धा दुबई येथेच सरकारी इस्पितळात नर्स म्हणून काम करीत असल्याने सारे कुटुंब दुबई येथेच राहत होते.

असे असले तरी ते चार पाच वर्षांतून एकदा गोव्यात ते घरी येत असत. त्यांचे जावई सातान हे जहाजावर खलाशी म्हणून काम करतात. जेसीची दुसरी मुलगी वालांका हिला मागच्या वर्षी दुबईत असतानाच एका आजारामुळे मृत्यू आला होता.

8 ऑगस्ट रोजी या घटनेला एक वर्ष पूर्ण होत असून त्यानिमित्ताने येथे गोव्यात तिच्या पहिल्या पुण्यतिथीनिमित्त मास ठेवले होते. या मासमध्ये भाग घेण्यासाठीच संपूर्ण कुटुंब काल गोव्यात आले होते.

जेसी, सातान गोमेकॉत उपचारार्थ दाखल

अपघातात ज्योकी व त्यांच्या पत्नीचा मृत्यू झाला तर त्यांची मुलगी जेसी, जावई सातान नोरोन्हा आणि नात वेनिता हे जखमी झाले. जेसी व सातान यांना या अपघातात फ्रॅक्चर झाल्याने सध्या त्यांच्यावर गोमेकॉत तर त्यांची नात वेनिता हिच्यावर हॉस्पिसियो इस्पितळात उपचार चालू असून तिची प्रकृती सुधारत आहे. मात्र या अपघाताचा तिच्या मनावर जबर धक्का बसला आहे. या वृत्ताने आम्हाला धक्का दिला अशी प्रतिक्रिया सिरील लैताव यांनी दिली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com