Goa: चोर्ला घाटात अखेर बारा तासानंतर वाहतूक सुरळीत

चोर्ला घाटात (Chorla Ghat ) गेल्या काही दिवसांपासून पडत असलेल्या जोरदार पावसाचा परिणाम घाट मार्गातील दरडी कोसळण्यात झाला.
Chorla Ghat
Chorla GhatDainik Gomantak

पर्ये: चोर्ला घाटात (Chorla Ghat ) गेल्या काही दिवसांपासून पडत असलेल्या जोरदार पावसाचा परिणाम घाट मार्गातील दरडी कोसळण्यात झाला. काल रात्री आणि पहाटे या भागात अनेक ठिकाणी दरडी कोसळल्या असून घाट मार्गाचा रस्ता पूर्णपणे मार्ग वाहतुकीस बंद झाला होता. त्यामुळे या मार्गावरील वाहतूक पूर्णपणे ठप्प झाली होती. पण सार्वजनिक बांधकाम खात्याच्या पथकाने सकाळी 7 ते संध्याकाळी 7 असे सतत बारा तास काम करून रस्ता वाहतुकीस खुला केला.

दरम्यान रस्ता बंद झाल्याने केरी भागात आणि चोर्ला घाटात वाहनांच्या रांगा लागल्या आहेत. यात दुग्ध पुरवठा, भाजीपाला पुरवठा करणारे आणि इतर मालवाहू वाहनासाहित खाजगी वाहतूकदार ही अडकून राहिले होते.

Chorla Ghat
Goa Monsoon Updates: कुशावतीला पूर, पारोडा पूल पाण्याखाली

दरम्यान चोर्ला घाटाच्या गोवा (Goa)- कर्नाटक (Karnataka) सीमा भागात एकूण तीन ठिकाणी या दरडी कोसळल्या होत्या. त्यापैकी धबधबा असलेल्या एका ठिकाणी दरड कोसळली होती. कोसळलेल्या दरडीत माती, दगड, झाडे रस्त्यावर आली होती. तर पावसाच्या पाण्यामुळे दरडीची माती रस्त्यावर वाहत होती. या सर्व दरडी पहाटे कोसळल्या होत्या.

त्यानंतर त्या हटवण्यासाठी सार्वजनिक बांधकाम खात्यातर्फे अथक परिश्रम घेऊन युद्ध पातळीवर काम केले. खात्याची 2 जे. सी. बी यंत्रे आणि कामगार वर्ग मिळून या दरडी हटविण्याचे काम केल्याने अखेर 7 वाजता हे काम पूर्ण झाले आणि मार्गावरील वाहतूक सुरू केली. दरम्यान या दरडी हटवण्यासाठी सार्वजनिक बांधकाम खात्याच्या महामार्ग विभागाचे अधिकारी वर्ग तसेच वाळपई पोलीस निरीक्षक, वाहतूक पोलीस निरीक्षक त्यांची यंत्रणा उपस्थित होती. शेवटी दरडी हटवल्यावर येथील वाहतूक सुरुवात केली. दरम्यान या दरडी कोसळल्याने घाटाच्या दोन्ही बाजूंनी वाहनांच्या मोठ्या रांगा लागल्या होत्या.

Chorla Ghat
Goa Floods: घरात पाणी घुसल्याने लोकांना सुरक्षित ठिकाणी हलविले

दरडी हटवल्या पण धोका कायम

जरी आज या दरडी हटवल्याअसल्या तरी या मार्गावरील धोका कायम आहे. कारण दरडी कोसळलेली जागा झाडे व दगड कोसळून सैल झाली आहे. तसेच पावसामुळे येथील माती झिरपत आहे. त्यामुळे पावसाळ्यात हा मार्ग वाहतुकीसाठी धोकादायक आहे. दरम्यान गेले चार-पाच वर्षे पावसाळ्यात चोर्ला घाटातील दरडी कोसळणे ही आता नित्याचीच बाब झाली आहे. मोठ्या पावसात या मार्गावर दरडी कोसळून वाहतूक व्यवस्था पूर्णपणे ठप्प होण्याचे प्रकार सुरू असतात. तेव्हा असा प्रकार पुन्हा होण्याची शक्यता आहे तेव्हा मार्गावरील धोका कमी करण्यासाठी सरकारने पावले उचलावी अशी मागणी होत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com