गोवा विधानसभेचे सभापती राजेश पाटणेकर यांनी आज बारा आमदारांविरोधातील दोन अपात्रता याचिकांवरील निकाल राखीव ठेवला आहे. सकाळी 11 ते सायंकाळी 7 या वेळेत दोन अपात्रता याचिकांवर सभापतींनी सुनावणी घेतली. सभापतींनी दुपारी केवळ एक तासाची जेवणाची सुट्टी घेतली होती.
या सुनावणीवेळी 12 आमदारांकडून आपला मूळ पक्ष भाजप मध्ये कसा विलीन करण्यात आला याविषयीची पक्षाच्या पदाधिकार्‍यांच्या सह्या असलेली कागदपत्रे सभापतींसमोर सादर करण्यात आली. मात्र असे काही घडलेले नाही कोणत्याही पदाधिकाऱ्याने अशा कागदपत्रांवर सह्या केलेले नाहीत असे काँग्रेसने स्पष्ट केलेले आहे . सभापतींनी आज सुनावणीचे कामकाज पूर्ण केले असून निकाल राखीव ठेवला आहे. या निकालावर गोव्यातील राजकारणाशी पुढील दिशा ठरणार आहे.
हे आमदार राजीनामा देऊ शकतात असे सूचक वक्तव्य याचिकादार मगोचे नेते आमदार सुदिन ढवळीकर यांनी दुपारीच केले आहे तर सायंकाळी काँग्रेसने कोणत्याही वेळेस विधानसभा निवडणूक झाली तर त्याला सामोरे जाण्याची पक्षाची तयारी आहे असे म्हटले आहे. यामुळे येत्या काही दिवसात राजकीय वातावरण तापलेले असेल असे दिसते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.