Goa Bank: समाजकल्याण खात्यातर्फे ज्येष्ठांसाठी राबविण्यात येणाऱ्या दयानंद सामाजिक सुरक्षा योजनेतील मागील देय रक्कम लाभार्थ्यांना अदा करण्यात आली आहे. यापुढे ज्येष्ठ लोकांना एकाच तारखेला त्यांच्या खात्यावर पैसे जमा होण्यासाठीची प्रक्रिया सुरू झालेली आहे.
दरम्यान, त्यामुळे पैसे जमा झाल्याचा संदेश तत्काळ संबंधित लाभार्थ्याच्या मोबाईलवर मिळेल, अशी माहिती समाजकल्याणमंत्री सुभाष फळदेसाई यांनी दिली. राज्य सरकारने चालविलेल्या अनेक योजनांपैकी ज्येष्ठांना मदत देण्याची योजना त्यातील लाभार्थ्यांना खरोखरच फायदेशीर ठरत आहे. वयस्क, त्याचबरोबर इतर आजार किंवा काही समस्यांना तोंड देत असणाऱ्या ज्येष्ठांना या योजनेमुळे दिलासा मिळत आहे.
लाभार्थ्यांना पैसे मिळण्यात अडचणी येऊ नयेत किंवा त्यांना बँकेत हेलपाटे मारू लागू नयेत यासाठी त्यांच्या बँक खात्यावर एकाच तारखेला मदतीची रक्कम जमा होईल. त्‍यासाठीची प्रक्रिया सुरू झालेली आहे. ती प्रक्रिया काही कालावधीत पूर्ण होईल, यासाठी आपले खाते काम करीत आहे, असे फळदेसाई म्‍हणाले.
सुभाष फळदेसाई, समाजकल्याणमंत्री-
दयानंद सामाजिक सुरक्षा योजनेतील अनेक लाभार्थ्यांचे वेगवेगळ्या बँकांमध्ये खाते आहे. ही सर्व खाती या योजनेअंतर्गत जोण्यासाठी काही वेळ लागेल. ते काम पूर्ण झाल्यावर ही योजना मार्गी लागेल व ती सुटसुटीत होईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.