Goa festival: दीपदान, नौकाविहार स्पर्धा आदी पारंपरिक कार्यक्रम आणि हजारो भाविकांच्या साक्षीने विठ्ठलापूर-साखळी येथील प्रसिद्ध त्रिपुरारी उत्सवाला सोमवारी मोठ्या उत्साहात प्रारंभ झाला. त्रिपुरारी पौर्णिमेनिमित्त प्रति पंढरपूर म्हणून ओळखण्यात येणाऱ्या विठ्ठलापुरात सायंकाळी ते मध्यरात्रीपर्यंत उत्साह संचारला होता.
'कोरोना'च्या दोन वर्षांच्या खंडानंतर यंदा साजरा झालेल्या या उत्सवाला पर्यटकांसह नागरिकांची वाळवंटी काठी गर्दी उसळली होती. राज्यस्तरीय 'नौकाविहार' स्पर्धा यामुळे विठ्ठलापूर-साखळी येथील 'त्रिपुरारी पौर्णिमा' गोव्यासह शेजारील राज्यांमध्ये प्रसिद्धीस पावली आहे.
या उत्सवाला राज्यमान्यता मिळाल्यापासून राज्य सरकारचे पर्यटन, कला आणि संस्कृती, माहिती आणि प्रसिद्धी खाते आणि विठ्ठलापूर दीपावली उत्सव समिती यांच्या संयुक्त विद्यमाने हा उत्सव साजरा करण्यात येत आहे. गर्दी उसळल्याने पोलिस आणि वाहतूक पोलिसांवर ताण आला होता.
सायंकाळी 7.30 वा. भगवान श्रीकृष्ण मिरवणूक झाल्यानंतर वाळवंटी नदीपात्रात दीपदानाचा कार्यक्रम झाला. सुवासिनी आदी भक्तांनी पेटते दीप नदीपात्रात सोडले. श्री पांडुरंग देवस्थानच्या प्रांगणात अलंकारतर्फे 'रसिकरंजन गीत नृत्य आविष्कार’ हा सांस्कृतिक कार्यक्रमही रंगला.
दरम्यान, त्रिपुरारी पौर्णिमा उत्सवाचे खास वैशिष्ट्य आणि आकर्षण म्हणजे नौकाविहार स्पर्धा. या स्पर्धेत यंदाही आकर्षक नौका सहभागी झाल्या होत्या. दोन वर्षांच्या खंडानंतर यंदा वाळवंटी नदीपात्रात ही मध्यरात्रीपर्यंत ही स्पर्धा रंगली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
