Goa Mining: आम्हाला डावलून खाणी सुरु करु नका!

Goa Mining: सरकारच्या योजनेनुसार पहिल्या टप्प्यात डिचोलीतील खाण ब्लॉकचा लिलाव अपेक्षित आहे.
Goa Mining | Workers
Goa Mining | WorkersDainik Gomantak

Goa Mining: डिचोलीतील खाण ब्लॉकचा लिलाव झाल्यानंतर सेझाच्या सध्याच्या कामगारांना डावलून खाण सुरू करण्याचा प्रयत्न झाल्यास, तो हाणून पाडण्यात येईल. वेळप्रसंगी कामगार तीव्र आंदोलन छेडणार, असे स्पष्ट संकेत सेझा कामगारांच्यावतीने कायदा सल्लागार ॲड. अजय प्रभुगावकर यांनी दिले आहेत.

खाणलीजधारकांची आव्हान याचिका उच्च न्यायालयाने फेटाळल्याने आता खाण ब्लॉकच्या लिलावाचा मार्ग मोकळा झाला आहे. सरकारच्या योजनेनुसार पहिल्या टप्प्यात डिचोलीतील खाण ब्लॉकचा लिलाव अपेक्षित आहे. लिलावातून डिचोलीतील खाणीचा ताबा कोणत्याही कंपनीने घेतला, तरी सध्याच्या कामगारांना कामावर घ्यावेच लागणार.

Goa Mining | Workers
Goa Captain of Ports Department: बेकायदेशीर रेती उपसाविरोधात कारवाई तीव्र

दरम्यान, तसा प्रस्तावही कामगारांच्यावतीने मुख्यमंत्र्यांना दिला आहे, असेही ॲड. प्रभूगावकर यांनी सांगितले आहे. सेझाच्या सध्याच्या 300 हून अधिक कामगारांना काम मिळाले नाही, तर कामगार स्वस्थ बसणार नाही. गेल्या मंगळवारी त्या याचिकेवर निर्णय देताना न्यायलयाने 'रिट्रेचमेंट' नोटीसीला तात्पुरती स्थगिती दिली आहे.

Goa Mining | Workers
Goa Shipyard: गोवा शिपयार्डकडून नियमांचे उल्लघन सुरूच - नंदादीप राऊत

संघटनेच्या फेर याचिकेवर मंगळवारी सुनावणी

उच्च न्यायालयाच्या आदेशानुसार ‘एम्प्लॉयीज युनियन ऑफ सेसा मायनिंग वर्कर्स’ संघटनेच्या फेरयाचिकेवर आता केंद्रीय कामगार सचिवांसमोर येत्या 11 ऑक्टोबर रोजी सुनावणी होणार आहे. यावेळी आपल्याला न्याय मिळेले, अशी अपेक्षा कामगारांची आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com