Goa: केपेत भाजपचा सहज विजय

सदानंद तानावडे : सरकारच्या कोविड काळातील कार्याचे जनतेकडून कौतुक
Goa Bjp Election rally
Goa Bjp Election rallyDainik Gomantak

केपे : कोविड काळात केंद्र सरकारने लोकांसाठी जे कार्य केले, त्याला तोड नाही.(Goa) त्याचबरोबर राज्य सरकारनेही ही महामारी रोखण्यासाठी जे काम केले, ते लोकांनी पाहिले आहे. यासाठी हे सरकार खऱ्या अर्थाने लोकांचे आहे, असे (Bjp) गोवा भाजप प्रदेशाध्यक्ष सदानंद शेट तानावडे (Sadanand Tanavde) यांनी केपे येथे पत्रकार परिषदेत सांगितले. तानावडे यांनी आज (गुरुवारी) केपे मतदारसंघाचा दौरा केला. भाजपने जे कार्य केले, ते पाहिल्यास केपे मतदारसंघात पक्षाचा सहज विजय होईल, असा विश्वास त्यांनी व्यक्त केला. यावेळी त्यांच्यासोबत उपमुख्यमंत्री बाबू कवळेकर, (Babu Kavalekar) केपे मंडळ अध्यक्ष संजय वेळीप, नगराध्यक्षा सुचिता शिरवईकर, नगरसेवक प्रसाद फळदेसाई, अमोल काणेकर, अवेडेचे सरपंच अलेलूया आफोंसो, योगेश कुंकळयेकर, संदीप फळदेसाई आणि इतर मान्यवर उपस्थित होते.

Goa Bjp Election rally
Goa: भाऊसाहेब बांदोडकर हे अनाथांचे आधारस्तंभ

‘सेवा ही संघटन’ हे या पक्षाचे ब्रीद असून कोविड महामारीत आमच्या कार्यकर्त्यांनी चांगले कार्य केले, हे लोकांनी पाहिले आहे. (Sadanand Tanavde) केपेत या महामारीच्या काळात केपेचे आमदार बाबू कवळेकर यांनी सुसज्ज असे कोविड निगा (Covid Center) केंद्र सुरू करून लोकांना चांगली सुविधा दिली; पण याच्या विरोधात विरोधकांनी फक्त लोकांची दिशाभूल करण्यापलीकडे काहीच केले नाही. विधानसभा निवडणूक ही ठरलेल्या वेळेतच होणार आहे. केपेतून आता बाबू कवळेकर यांनी भाजपमध्ये प्रवेश केल्याने केपेत भाजप मजबूत झाला आहे. जिल्हा पंचायत व नगरपालिका निवडणुकीत भाजपने यश संपादन केल्याने येणाऱ्या विधानसभा निवडणुकीत कार्यकर्त्यांच्या जोरावर भाजप पुन्हा एकदा सत्तेवर येईल, असा विश्‍वास तानावडे यांनी व्यक्त केला. विरोधकांनी कितीही आवाज केला तरी येणाऱ्या विधानसभा निवडणुकीत भाजपचे सरकारच सत्तेवर येणार, असे उपमुख्यमंत्री बाबू कवळेकर (Babu Kavalekar)यांनी सांगितले. भाजपने कोविड महामारीच्या सुरवातीपासून झोकून दिले आहे. पण आता कोणीतरी लोकांना धान्य वाटून लोकांची सहानुभूती मिळवण्याचा केविलवाणा प्रयत्न करीत आहे. केपेत (Goa) भाजपचे (Bjp) कमळ फुलणार, असे कवळेकर यांनी सांगितले.

Goa Bjp Election rally
Goa: गायन स्पर्धेत गोव्याचा हृषीकेश ढवळीकर द्वितीय तर आर्याला तृतीय पुरस्कार

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com