पणजी: भारतीय जनता पक्षाचे प्रदेश अध्यक्ष सदानंद शेट तानावडे (Goa BJP state president Sadanand Shet Tanawade) यांना हलकासा ताप आल्यानंतर त्यांना गोमेकॉत (GMC) दाखल करण्यात आले आहे. काल संध्याकाळी हलकासा ताप आल्यानंतर ते गोमेकॉत दाखल झाले. त्यांची कोरोना चाचणी करण्यात आली असून ते कोरोना पॉझिटिव्ह (Covid-19 Positive) झाले आहेत. त्यामुळे त्यांच्या संपर्कात आलेल्यांची तारांबळ उडाली आहे.
कोरोनामुळे रविवारी चौघांचा मृत्यू!
राज्यात काल चार कोरोनाबाधितांचे निधन झाले. गेले अनेक दिवस शून्य व काही दिवस एक किंवा दोन असेच कोरोना बळी जात होते. काल हा आकडा चार झाला. आरोग्य खात्याने दिलेल्या माहितीनुसार, काल 4,852 कोरोना चाचण्या करण्यात आल्या.
जाहीर अहवालानुसार काल 74 नवे कोरोनाबाधित सापडले, तर 98 कोरोनाबाधित बरे झाले. कालच्या चार कोरोनाबाधितांच्या मृत्युमुळे आत्तापर्यंत कोरोनामुळे निधन झालेल्यांची संख्या 3,303 झाली आहे. राज्यात आजपर्यंत 18,47,806 एवढे लसीकरण झाले आहे. यात 11,95,970 लोकांनी कोरोना प्रतिबंधक लसीचा पहिला डोस, तर 6,51,836 लोकांनी दोन्ही डोस घेतले आहेत. काल 11,670 एवढे लसीकरण झाले. त्यात 1,614 जणांनी पहिला, तर 10,056 जणांनी दुसरा डोस घेतला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
