पणजी: गोव्यातील (Goa) सुमारे २० नागरी संस्थांनी भटक्या कुत्र्यांची (stray dogs) संख्या नियंत्रणात आणण्यासाठी पशुसंवर्धन आणि पशुवैद्यकीय सेवा विभागाशी करार केला आहे. त्यामध्ये कलंगुट पंचायतीने (Calangute Panchayat) आपल्या भागातील २ हजार कुत्र्यांचे निर्जंतुकीकरण केले आहे.
जनावरांच्या देखभाल आणि निवाऱ्यासह कलंगुटमध्ये नोहा संस्थेसोबात सामंजस्य करार करण्यात आला आहे. राज्य सरकारच्या मदतीने या भागातील किनारपट्टी लगत सर्व कुत्र्यांचे निर्जंतुकीकरण करण्यात आले आहे. यामुळे खेड्यातील कुत्र्यांच्या पिल्लांमध्ये घट झाली आहे.
त्याचबरोबर मिशन रेबीज अंतर्गत गावात अँटी रेबीज डॉग लसीकरण सुरु करण्यात आले आहे. कलंगुटमध्ये अंदाजे २५०० भटक्या कुत्री आहेत, यातील ५०० ते ६०० कुत्री अरपोरा आणि कंडोलिम परिसरात जातात. या गोव्याच्या किनारपट्टी भागात पर्यटकांची भरपूर गर्दी असते. त्यामुळे या भागाच वाहनांची सारखी ये-जा असते या वाहनांना धडकून अनेक जनावरांचे मृत्यू होतात.
डिचोलीमधील गोमंतक गोसेक महासंघाने पशुशाळा उभी केली आहे. तेथे भटक्या जनावरांना ठेवण्याचा निर्णय पंचायतीने घेतला आहे. मागील वर्षी २०० भटक्या जनावरांना पशुशाळेत आणण्यात आले होते. पंचायत भटक्या कुत्र्यांची संख्या कमी करण्यासाठी आणि त्यांच्यामुळे होणारे अपघात, उपद्रव याची संख्या कमी करण्याचा करीत प्रयत्न आहे. येणाऱ्या काळात या प्रकरणात घट होईल असे मार्टिन्स यांनी नमूद केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
